![\"\"](\"https:\/\/www.ea.aw\/pages\/wp-content\/uploads\/2023\/11\/islaonline-2023-10-24-Plan-di-Mayor.jpg\")
<\/p>\nDen cuadro di eleva e bienestar di nos muchanan a haci un “soft opening” di e loket “Plan di Mayor”, cual lo ta un centro di experticio pa brinda guia na famianan y muchanan cu ta pasa den casonan di divorcio compleho.<\/p>\n
<\/p>\n
<\/p>\n
Minister di Husticia y Asuntonan Social sr. Rocco Tjon tawata presente na Centro pa Hoben y Famia pa e ocasion aki.<\/p>\n
Plan di Mayor a nace, pa motibo cu scientificamente a wordo prueba cu si tin conflicto durante un divorcio esaki por tin consecuencia negativo riba e bienestar di e muchanan y pa e motibo ey, ta asina importante cu nos a tuma e paso aki.<\/p>\n
Gobierno di Aruba, y sigur Ministerio di Husticia y Asuntonan social tin e proyecto aki como un di nos prioridadnan, y pa e motibo ey tin hopi pasonan concreto cu a wordo tuma riba nivel di legislacion, maneho y desaroyo profesional, pa mehora e bienestar di nos muchanan y percura pa mas siguridad pa nan.<\/p>\n
Asina nos por wak bek entre otro riba e introduccion di e campa\u00f1a nacional pa crea conscientisacion contra abuso di mucha \u201cMi Mesun Heroe\u201d, introduccion di diferente metodonan di trabou manera \u201cSigns of Safety\u201d y \u201cCodigo di Proteccion\u201d den e diferente sectornan, pa asina mehora e procesonan di trabou den casonan specifico pero tambe pa nos por se\u00f1ala casonan di abuso mas trempan cu ta posibel.<\/p>\n
Banda di esaki, nos a reglamenta a traves di ley, e operacionnan y e rekistonan pa loke ta nos centronan di cuido, cual tambe tawata un paso grandi.<\/p>\n
E introduccion di e Familiy Justice Center tambe tawata un paso sumamente importante no solamente pa con ta atende cu casonan di abuso, pero pa motibo di e atencion cu ta wordo brinda na victimanan, pues no ta lubida nan den ful e proceso.<\/p>\n
E meta principal di e loket plan di mayor ta pa percura cu e necesidadnan di e mucha ta keda centraal, restaura comunicacion na bienestar di e muchanan y duna e muchanan mas oido durante ful e proceso aki. Ta importante pa menciona tambe cu prome cu nos a yega na e momento bunita aki a percura pa brinda diferente oportunidad na nos profesionalnan pa asisti diferente training, curso y opleiding.<\/p>\n
Asina nos ta wak bek na e opleiding di Familie Mediation na cual 13 profesional a participa. Pero tambe tin investigacion scientifico andando den colaboracion cu Universidad di Utrecht riba e tematica aki. Ta trata pues di un proyecto cu a cuminsa na 2018 bou Gabinete Wever Croes-I, caminda sr. Bikker na 2019 a institui un comicion, di cual a continua cu esaki, y awe ta keda finalisa. Por ultimo, e mandatario a manda palabra di pabien y gradicimento na henter e ekipo, instancia y persona cu a forma parti di e proceso y cu a haci e momento aki posibel, y un danki special tambe na Michella Steenvoorde-Lacle kende ta e motor tras di e proyecto aki.<\/p>\n