{"id":32625,"date":"2023-09-29T15:59:42","date_gmt":"2023-09-29T19:59:42","guid":{"rendered":"http:\/\/www.ea.aw\/pages\/?p=32625"},"modified":"2023-09-29T15:59:42","modified_gmt":"2023-09-29T19:59:42","slug":"arubahuis-ta-introduci-mentor-nobo","status":"publish","type":"post","link":"https:\/\/www.ea.aw\/pages\/arubahuis-ta-introduci-mentor-nobo\/","title":{"rendered":"Arubahuis ta introduci mentor nobo"},"content":{"rendered":"

Durante un encuentro ameno na Arubahuis a despedi di tres studiementor y a introduci dos studiementor nobo cu ta bay tuma e tarea over di esnan cu ta bay.<\/p>\n

<\/p>\n

\n

\"\"<\/p>\n

\n

E studiementoren cu ta stop cu e trabou ta sra. Swinda Venhorst-Thijsen, sra. Lourdes Bramble-Tromp y sr. Omar Besaril. Tanto Venhorst-Thijsen como Bramble-Tromp ta stop pasobra nan ta baha cu pensioen, mientras cu Besaril ta stop pasobra el a haya un promocion den su trabou cu ta exigi hopi mas dje y asina elo no por eherce e trabou di studiementor satisfactoriamente.<\/p>\n

Venhorst-Thijsen tabata studiementor pa e region di Brabant y Limburg cu ciudadnan di estudio manera Tilburg, Breda, Den Bosch den Brabant y Maastricht, Heerlen, Sittard y Venlo den Limburg. Bramble-Tromp tin e ciudadnan Alkmaar, Haarlem y Amsterdam y alabes e ta guia tambe studiantenan den e region di Enschede, Deventer y Zwolle. Besaril tabata encarga cu e region di Utrecht.<\/p>\n

Na ocacion di e recepcion di despedida di e tres studiementoren, director a.i. di Arubahuis drs. sra. Glenda Hernandez a hiba palabra unda el a cuminsa na gradici e mentoren pa nan dedicacion na e guia di nos studiantenan.<\/p>\n

Hernandez den su discurso a para keto na e importancia di e trabou y a bisa cu un bon mentor ta exigi hopi cualidad, manera conocemento di e.o. e sistemanan, stakeholders den educacion y otro areanan na Hulanda, pero tambe atencion pa e necesidadnan individual di nos studiantenan cu ta yega na un tera completamente stra\u00f1o pa nan. Segun sra. Hernandez e studiementor ta un guia y un sosten moral pa nos studiantenan den nan promer a\u00f1a di estudio.<\/p>\n

\n

Mentor nobo<\/span><\/h3>\n

Cu e baymento di tres studiementor a cuminsa cu e proceso pa busca mentor nobo. E studiementor cu ta bay tuma e trabou over pa e region di Brabant y Limburg ta sra. Rasnaly Carti. Carti ta trahando como decano na un scol secundario desde 2009, esta 14 a\u00f1a. E ta traha cu hoben ya pa 20 a\u00f1a caba y tin un network grandi die bou di decanonan di scolnan di MAVO, HAVO, VWO y MBO.<\/p>\n

Sra. Nathaly Deville-Russell lo tuma encargo di e region di Amsterdam y vecindario. Deville-Russell ta trahando actualmente na Hogeschool di Amsterdam como \u201cstudent mobility counselor\u201d y e ta eherciendo e trabou aki desde 2005, dus pa 18 a\u00f1a y e ta encarga cu guia di studiantenan international hunto cu un team di 10 persona.<\/p>\n

Pa loke ta e region di Utrecht, e nombracion ta andando ainda y\u00a0 ta spera cu pronto esaki ta cla.<\/p>\n

Hernandez a entatisa cu e trabou no ta facil, e ta bin cu hopi reto, sinembargo e ta desea e studiementoren nobo hopi exito.<\/p>\n

\n

Fuente<\/span><\/h3>\n