![\"\"](\"https:\/\/www.ea.aw\/pages\/wp-content\/uploads\/i\/isla-online-2023-08-25-Studiante-Caribe-Amsterdam-1.jpg\")
<\/p>\nDen stadhuis di Amsterdam a tuma lugar un encuentro pa e studiantenan di Aruba, Boneiro, Corsou y St. Maarten cu e a\u00f1a aki ta bay cuminsa cu un estudio na un Hogeschool of Universidad na Amsterdam.<\/p>\n
<\/p>\n
<\/p>\n
Municipio di Amsterdam desde a\u00f1a 2010 ta organisa e encuentro aki pa yama e studiantenan di e parti Caribense di Reino Hulandes bonbini na Amsterdam.<\/p>\n
Invitadonan special tabata e Ministernan Plenipotenciario di Aruba, Corsou y St. Maarten, cu ta respectivamente mr. sr. Ady Thijsen, sr. Carlson Manuel y sr. Rene Violenus. Tambe presente tabata director a.i. di Arubahuis drs. sra. Glenda Hernandez y mentor pa Amsterdam sra. Lourdes Bramble-Tromp.<\/p>\n
Como parti di e programa sra. Lotte Terwel, gobernante di e “Dagelijks bestuur stadsdeel Centrum” a tene un discurso na e grupo di studiante. Aki sra. Terwel a bisa cu e ta spera cu e studiantenan nobo por habri nan hala y si\u00f1a conoce e ciudad manera ta e caso di hopi hende cu pa siglonan a bin Amsterdam. “Esaki a haci Amsterdam yen di bida y un caminda alegre pa studia, biba y traha. Mi mes tin 23 a\u00f1a ta biba na Amsterdam y ami tambe a yega sin conoce ningun hende. Mi suerte a resulta di ta un “studentenvereniging” cu mi a bin den contacto cu ne y unda mi a conoce hopi hende cu te ainda mi tin contacto cu nan. Kisas na comienso ainda bo no a haya bo balans. Pesey mi ta bisa boso tur pa busca contacto y sosten cerca otro hende”.<\/p>\n
Sra. Terwel a bisa cu recien el a atende un Concierto pa Tula na unda e cantante Izaline Calister a tene un homenahe pa Tula. “Calister a uza como metafor cu bo mester busca e Tula den bo; e heroe y luchador y esaki ta loke mi kier duna boso tambe como mensahe” segun sra. Terwel.<\/p>\n
![\"\"](\"https:\/\/www.ea.aw\/pages\/wp-content\/uploads\/i\/isla-online-2023-08-25-Studiante-Caribe-Amsterdam-2.jpg\")
<\/p>\n
Minister Plenipotenciario di Aruba mr. sr. Ady Thijsen tambe a bisa e studiantenan cu estudio tin su retonan y p’esey bo mester ta bon organisa. “Corda cu banda di bo estudio tambe bo mester tin un bida social. Corda semper cu Arubahuis tey pa boso como studiante. E departamento di Ensenansa di Arubahuis ta disponibel, mescos cu ta e caso cu e mentornan.” Minister Thijsen a haci un apelacion riba e studiantenan pa caba nan estudio y pa bay bek Aruba, mirando cu segun e mandatario e comunidad a cambia y tin un generacion nobo y e generacion aki ta nesesario pa traha na e futuro di Aruba.<\/p>\n
E studiante Arubiano Claire Dumfries a haya e oportunidad pa tene un charla unda e cu tin dos a\u00f1a studiando na Amsterdam a conta di su experencia y asina duna e studiantenan nobo aviso
\ny tipnan con nan mester mira nan prome a\u00f1a como studiante. Segun Claire un bentaha grandi cu e studiantenan Caribense tin ta cu nan ta bin di un isla. “Esaki ta nifica cu automaticamente un dia lo bo mester bandona bo isla natal pa sigi un estudio avansa. Bo ta sali for di bo \u201ccomfort zone\u201d y cuminsa cu algo nobo, lagando bo famia y amigonan atras. Tur loke bo ta experencia ta aplastante y unda bo mester regla tur cos. Tambe mi kier a apunta cu nunca bo mester tin miedo di puntra pa ayudo, sea na bo scol, mentor of mayor. Tene cuenta con bo ta bay om cu placa y por ultimo mi kier a bisa boso cu Amsterdam tin hopi di ofrece y haci uzo di esakinan pa amplia bo conocemento di Amsterdam,” asina Claire Dumfries a bisa.<\/p>\n
E programa a continua na unda Tanja Fraai a entrevista diferente studiante tocante nan estudio, e rason pa a scoge pa bin studia na Amsterdam y otro topiconan interesante. Na final e studiantenan a participa na un quiz pa mira con bon nan conocemento di Amsterdam ta, sigui pa un introduccion di diferente instancia, manera Hogescholen, Gemeente Amsterdam y organisacionnan di studiante cu ta di importancia pa e nan.<\/p>\n
Land Aruba ta brinda esnan cu kier studia na un hogeschool of universiteit na Hulanda un prestamo pa facilita e studiante cu su gastonan di estudio. Mas informacion:<\/p>\n