{"id":32365,"date":"2023-08-25T10:11:47","date_gmt":"2023-08-25T14:11:47","guid":{"rendered":"http:\/\/www.ea.aw\/pages\/?p=32365"},"modified":"2023-08-28T11:50:00","modified_gmt":"2023-08-28T15:50:00","slug":"ahata-ta-colabora-cu-ensenansa-pa-empleo","status":"publish","type":"post","link":"https:\/\/www.ea.aw\/pages\/ahata-ta-colabora-cu-ensenansa-pa-empleo\/","title":{"rendered":"AHATA ta colabora cu Ense\u00f1ansa pa Empleo"},"content":{"rendered":"

Recientemente Ense\u00f1ansa pa Empleo (EPE) a ricibi un donacion grandi di material di parti di AHATA pa uzo den e curso di Waiter cu EPE ta ofrece na nos comunidad.<\/p>\n

<\/p>\n

\n

\"\"<\/p>\n

\n

Ense\u00f1ansa pa Empleo ta den combersacion continuo cu mercado laboral, especialmente cu e sector di Hospitalidad pa identifica oportunidad di colaboracion pa cu preparacion y capacitacion di futuro empleadonan y di cada persona cu ta desea di desoraya su mes.<\/p>\n

EPE ta trahando duro pa eleva calidad di su cursonan cu mester cumpli cu e exigencianan di mercado. Tabata durante un di e reunionnan aki cu Presidente & CEO di AHATA, sra. Tisa Lasorte, cu
\nEPE a trece padilanti cu e curso di waiter ta haci falta di material pa drecha mesa pa duna entrenamento di servicio di waiter y waitress. Programa Manager di Hospitalidad sr. Francis Trimon, hunto cu kwartiermaker sra. Sabine de Groot, a haci un inventario di tur e materialnan cu lo mester, na unda AHATA sin duda mesora a ofrece pa yuda Ense\u00f1ansa pa Empleo.<\/p>\n

Sra. LaSorte a haci entrega un donacion amplio personalmente, pa reemplasa e material cu tabata wordo uza pa e ultimo decada. Sra. Lasorte a indica cu \u201cTabata un placer pa entrega e materialnan na EPE y cumpli cu un colaboracion productivo cu profesionalnan dedica den ense\u00f1ansa. AHATA y EPE tin e vision comun cu cada persona cu ta si\u00f1a con pa duna servicio di calidad y cu orguyo, ta yuda Aruba su turismo bay dilanti.\u201d<\/p>\n

Tambe AHATA a confirma cu AHATA lo sigui su colaboracion cu EPE pa beneficia e programa cu ta dedica na ofrece cursonan basa riba necesidad di mercado laboral, na nivel alcansabel pa tur hende.<\/p>\n

Minister Glenbert Croes den nomber di Ense\u00f1ansa pa Empleo (EPE) ta gradici AHATA den persona di sra. Tisa Lasorte pa nan interes den yuda nos futuro empleadonan den HORECA atrabes di e cursonan di calidad y na prijs socialisa cu EPE ta brinda na tur hende cu ta desea di (re)capacita su mes pa por haya un miho trabou. E colaboracion aki ta gran ehempel cu trahando hunto nos
\nlogra mas pa e meta comun cu ambos instancia tin.<\/p>\n

\n

Fuente<\/span><\/h3>\n