![\"\"](\"https:\/\/www.ea.aw\/pages\/wp-content\/uploads\/logo\/Land-Aruba-Academy-logo.png\"){kind=logo}
<\/p>\nLand Aruba Academy ta un plataforma digital cu ta brinda oportunidad na empleadonan publico pa scoge entre mas di 700 curso pa desaroya nan mes, cu e meta pa optimalisa calidad y efectividad di e servicio cu ta brinda comunidad.<\/p>\n
<\/p>\n
<\/p>\n
Gobierno di Aruba a invita sr. Adolph Croes di Departamento di Recurso Humano (DRH), pa durante un conferencia di prensa hunto cu Prome Minister sra. Evelyn Wever-Croes, duna un splicacion amplio di loke ta e introduccion di e proyecto “Land Aruba Academy”. Se\u00f1or Croes a splica cu na inicio di 2023, den cuadro di landspakket, ora a introduci “prestatie management”, DRH a mira e necesidad pa duna empleadonan publico e hermentnan necesario pa por desaroya nan habilidad y talentonan.<\/p>\n
Land Aruba Academy ta un plataforma digital, cu ta brinda oportunidad na empleadonan publico pa scoge entre mas di 700 curso, cu por yuda nan desaroya nan mes, cu e resultado final di optimalisa calidad y efectividad di e servicio cu nan ta brinda comunidad.<\/p>\n
Sr. Croes a indica cu e proyecto aki ta uno simpel pa maneha y ta accesibel via computer, tablet y celular na cualkier momento. Actualmente e cursonan ta na Hulandes y Ingles, pero ta trahando pa por introduci cursonan na papiamento den futuro. Tin cursonan manera “micro learning” cu ta videonan cortico di diferente topico, “master class” cu ta videonan di 30-45 min riba topiconan mas amplio,”online training” na unda e empleado ta haya un cerificado, “Collections” cu ta topiconan cu ta compila e sistema di ense\u00f1ansa y hopi otro mas.<\/p>\n
Desde introduccion di e proyecto aki, DRH a nota e entusiasmo grandemente, mirando cu hopi departamento a registra caba. Pa e empleadonan cu no a registra ainda, por haci esaki via nan hefe di departamento, cu lo duna DRH tur informacion y dato di e empleado cu ta desea pa sigui e curso. DRH na su turno lo manda un email pa e persona activando asina e curso cu e ta desea.<\/p>\n
![\"\"](\"https:\/\/www.ea.aw\/pages\/wp-content\/uploads\/2023\/07\/2023-07-27-Land-Aruba-Academy.jpg\")
<\/p>\n
Prome Minister a indica cu e proyecto aki ta di gran balor pa e empleadonan publico cu ta desea di desaroya nan capacidad y conocemento, pa asina crece den nan trabou. Cada empleado por haci uzo di e plataforma aki, gratuitamente pa asina engrandece y\/of mantene nan conocemento “up to par”. “Nos ta bibando den un mundo, na unda cosnan ta cambia diariamente. Ta nos deber como dunado di trabou, pa ofrece nos empleadonan e oportunidad pa keda desaroya nan mes, pa asina por fungi optimal den nan area laboral. E ta keda na cada un di boso pa tuma e oportunidad grandi aki, pa asina yuda bo desaroyo personal y yuda nos, hiba pais Aruba dilanti,” Prome Minister a expresa.<\/p>\n