{"id":32089,"date":"2023-09-07T10:27:11","date_gmt":"2023-09-07T14:27:11","guid":{"rendered":"http:\/\/www.ea.aw\/pages\/?p=32089"},"modified":"2023-12-13T11:17:18","modified_gmt":"2023-12-13T15:17:18","slug":"proyecto-edutech-2023","status":"publish","type":"post","link":"https:\/\/www.ea.aw\/pages\/proyecto-edutech-2023\/","title":{"rendered":"Proyecto Edutech 2023"},"content":{"rendered":"

Prome Minister sra. Evelyn Wever-Croes, den nomber di Gobierno di Aruba ta gradici tur scol cu a participa na e proyecto di Edutech durante e ultimo a\u00f1a escolar.<\/p>\n

<\/p>\n

Pa e proyecto aki a wordo poni disponibel un suma di 400 mil florin, pa asina duna oportunidad na e scolnan pa gana fondo pa por cumpra material digital, biniendo cu nan mesun proyecto di innovacion.<\/p>\n

Pa e tres ciclonan cu a pasa, e scolnan ganador ya a ricibi nan placa. Pa cu e di 4 y ultimo ciclo, e huradonan completamente independiente ta pasando riba locual e scolnan a entrega pa asina scoge e ganadornan. Unabes tin e ganadornan di ciclo 4, lo completa e 400 mil florin cu Gobierno a pone pa e a\u00f1a escolar aki.<\/p>\n

Mientras e huradonan ta saca e ganadornan, Gobierno hunto cu Futura ta evaluando con e proyecto aki a bay, sperando pa asina por continua cu ne pa e siguiente a\u00f1a escolar. Talves lo mester bin algun cambio, pero na final ta importante pa por sigui brinda e scolnan e oportunidad aki, pa gana material innovativo pa asina por prepara nan muchanan di e miho manera pa futuro.<\/p>\n

Prome Minister a indica cu na inicio cu Gobierno y Futura a presenta e proyecto aki, e interes di e scolnan no tabata halto. Esaki sigur a cambia na momento cu a presenta e ganadornan di e prome ciclo. E enthusiasmo di parti di e scolnan ta asina halto awor, cu ta importante pa continua, pa asina ekipa tur scol cu e hermentnan necesario, pa brinda un miho educacion.<\/p>\n

“Futuro nos no sa kico ta trece pa nos, pero nos sa si cu gran mayoria di e muchanan awe den scol basico, lo bay traha den funcionnan mayan cu awe no ta existi, y e unico manera pa prepara nan bon ta a traves di metodonan innovativo. Un biaha mas mi ta gradici tur scol cu a participa na e proyecto aki, y felicita esnan cu a gana. Na tur e scolnan cu no a inscribi of gana ainda, porfabor sigui inscribi, pa asina engrandece bo oportunidad pa gana e proyecto pa cu e a\u00f1a escolar nobo,” Prome Minister a expresa.<\/p>\n

<\/p>\n

\n\t\t\t\t\t

\n\t\t\t\tComo un di e scolnan ganado di e proyecto di Edutech Colegio Laura Wernet Paskel a ricibi chromebooks y tablets\t\t\t<\/h3>\n\t\t\n\t\t
\n\t\t\t<\/p>\n

\"\"<\/p>\n

Manera ta conoci, Gobierno hunto cu Futura a introduci pa e a\u00f1a escolar 2022 – 2023, e proyecto di Edutech, na unda ta duna oportunidad na tur scol, pa bin cu nan mesun proyecto innovativo, pa asina por gana materialnan digital pa nan scol. Pa e proyecto aki Gobierno a pone un suma di 400 mil florin disponibel pa reparti den 4 diferente ciclo. Un di e scolnan ganado ta Colegio Laura Wernet Paskel cu ta sumamente contento di ricibi nan chromebooks y tablets pa nan 1ste y 2de klas. Esaki sigur ta un herment cu lo facilita e maestronan grandemente na momento di duna les na e muchanan.<\/p>\n

Prome Minister Evelyn Wever-Croes, den nomber di Gobierno di Aruba ta gradici tur scol cu a participa na e proyecto di Edutech durante e ultimo a\u00f1a escolar y ta encurasha tur e scolnan cu no a participa of gana, pa aplica pa e siguiente a\u00f1a escolar, pa asina tin e oportunidad pa gana materialnan digital pa nan scol. “Educacion ta e fundeshi pa nos pais por prospera, educacion ta empodera nos habitantenan y ta fortifica nos comunidad y e ta dirigi progreso. Nos sa tambe cu nos mundo ta cambiando na un nivel hopi rapido. P\u2019esey e ta hopi importante pa nos ekipa nos generacion di hobennan cu e hermentnan necesario pa por maneha e retonan y oportunidadnan den e era digital. E unico manera cu por garantisa esaki ta door di si\u00f1anan e habilidadnan di ciglo 21 pa nan por adapta y ta exitoso,” Prome Minister Wever – Croes a enfatisa.<\/p>\n

Fuente: Isla Online 3 di augustus 2023<\/a><\/p>\n

\t\t<\/div>\n\n\t\t<\/p>\n

\n\t\t\t\t\t

\n\t\t\t\tMaterial digital cu Maria Goretti School a gana cu e proyecto di Edutech a keda instala\t\t\t<\/h3>\n\t\t\n\t\t
\n\t\t\t<\/p>\n

\"\"<\/p>\n

Prome Minister (Wever-Croes) compa\u00f1a pa Presidente di Parlamento (Vrolijk) y Parlamentario (Guedez-Erasmus), a bishita Maria Goretti School en conexion cu e proyecto di Edutech. Maria Goretti School a gana pa e klasnan 5, borchinan digital, tablets pa e muchanan por haya les riba dje, y laptops pa tur e docentenan di scol. E materialnan aki a wordo instala y finalisa durante vakantie.<\/p>\n

Prome Minister a expresa di ta sumamente orguyoso di e proyecto di Edutech, cu ta un proyecto di innovacion cu Gobierno ta sostene. E entusiasmo cu e maestronan ta trahando cu ne, e felicidad di e muchanan pa por wordo educa di e forma aki, y e progreso cu ta wordo treci den e scolnan a traves di e proyecto aki, ta algo cu sigur ta yena e prome mandatario cu emocion tambe. “Mi kier a gradici cabesante di scol Juffrouw Mirla Tromp pa a participa y kere den e proyecto aki. Juffrouw Mirla pa hopi tempo caba tin ideanan innovativo pa sigui dilanti, pero ta stap pa stap por ehecuta nan. Tambe, mi kier a felicita e scol en general, tur docente, alumno, mayornan y specialmente Edutech pa haci esaki posibel,” Prome Minister a expresa.<\/p>\n

Na su turno, Juffrouw Mirla Tromp, a gradici Edutech pa bin cu e proyecto di innovacion aki, na unda ta duna e scolnan e oportunidad di por gana material digital pa nan scol. Tambe el a gradici Gobierno di Aruba pa e sosten brinda na e proyecto aki, y pa pone prioridad na ense\u00f1ansa, pasobra sin e sosten di nan, e facilidad pa yega na material digital, no ta uno facil.<\/p>\n

\"\"<\/p>\n

Fuente: Isla Online 7 di september 2023<\/a><\/p>\n

\t\t<\/div>\n\n\t\t<\/p>\n

<\/div>\n

\n

\"\"<\/p>\n

\n

Fuente<\/span><\/h3>\n