![\"\"](\"https:\/\/www.ea.aw\/pages\/wp-content\/uploads\/2019\/04\/ph-toets-750.png\")
<\/p>\nDialuna dia 22 y 23 di maart 2023 na tur scol basico di Aruba e \u2018Nationale Doorstroomtoets\u2019 a tuma luga pa tur mucha den klas 6. Esaki como parti di un maneho pa cu e procedura di fluho pa scol avansa. Dia 1 di juni ultimo e resultadonan a bira conoci.<\/p>\n
<\/p>\n
<\/p>\n
Alumunonan cu ta sali di scol basico y ta continua nan carera escolar na un scol avansa, ta ricibi un asina yama \u2018schooladvies\u2019 pa indica si e carera escolar mester sigui na EPB, MAVO of HAVO\/VWO. E conseho aki di scol ta wordo duna, a base di nan rapportnan y desaroyo durante nan carera escolar na scol basico. Den pasado ta alumnonan cu un \u2018schooladvies\u2019 pa HAVO\/VWO so tawata haci e asina yama \u2018toelatingstoets\u2019 pa por drenta Colegio Arubano of Colegio San Nicolas.<\/p>\n
A base di e pensamento di \u2018equity\u2019 y \u2018inclusion\u2019 manera ta describi den e Sustainable Development Goal (SDG) # 4 di Nacionnan Uni (United Nations), e maneho nobo ta duna oportunidad na tur mucha den klas 6 di scol basico pa participa na e \u2018nationale doorstroomtoets\u2019, pa asina sostene e \u2018schooladvies\u2019.<\/p>\n
E base di e maneho ta cu e \u2018doorstroomtoets\u2019 ta sostene e \u2018schooladvies\u2019.<\/p>\n
Si surgi e situacion cu e \u2018schooladvies\u2019 ta indica un nivel mas halto cu e \u2018doorstroomtoets\u2019, e alumno por drenta un scol di e nivel di e \u2018schooladvies\u2019 toch.<\/p>\n
Den caso cu ta e \u2018doorstroomtoets\u2019 cu ta indica un nivel mas halto cu e \u2018schooladvies\u2019, e maneho ta indica cu e alumno por drenta un scol avansa na e nivel cu e \u2018doorstroomtoets\u2019 ta indica. E principio ta cu di e 2 instrumentonan, \u2018schooladvies\u2019 y \u2018doorstroomtoets\u2019, esun cu ta indica e nivel mas halto ta esun cu ta conta pa e alumno por drenta un scol avansa.<\/p>\n
Den ley (Landsbesluit dagscholen v.w.o., h.a.v.o., ma.v.o. (AB 1999 No.62) ta indica cu un \u2018ontvangende school\u2019, dus e scol avansa, por stipula su mesun criteria pa por drenta e scol, esaki ta algo cu por diferencia pa cada Directiva di Scol. Esey tin como consecuencia cu si un Directiva di Scol pone como criteria cu e schooladvies y doorstroomtoets mester indica e mesun nivel di scol avansa pa por drenta dicho scol, pa ley e Directiva di Scol tin derecho pa haci esaki. E alumno lo mester scoge pa bay un otro scol di un otro Directiva di Scol.<\/p>\n
Na Aruba nos conoce 4 Directiva di Scol cu ta ofrece ense\u00f1ansa pa HAVO\/VWO esaki nan ta SVOA (Colegio Arubano), Dienst Publieke Scholen (Colegio Nigel Matthew), SPCOA (Mon Plaisir College) y Stichting Combina (De Schakel College).<\/p>\n
Pa MAVO tin SKOA (Colegio San Antonio, La Salle College, Maria College, Filomena College y Colegio San Augustin), DPS (C.G. Abraham de Veer, Ceque College y Juliana School) y SPCOA (Mon Plaisir College).<\/p>\n
Pa Ense\u00f1ansa Profesional Basico nos tin SEPB (EPB San Nicolas y EPB Hato).<\/p>\n
E paso di scol basico pa scol avansa ta uno hopi grandi y tin hopi influencia riba e carera escolar di un hoben. Pa e motibo aki ta importante pa e mayornan y e maestronan di scol basico communica bon cu otro y tene cuenta cu e situacion di cada alumno individual, pa asina haci e escogencia cu lo beneficia e alumno mas hopi y cu lo sostene su desaroyo intelectual y social-emocional.<\/p>\n