{"id":31754,"date":"2023-05-21T17:00:54","date_gmt":"2023-05-21T21:00:54","guid":{"rendered":"http:\/\/www.ea.aw\/pages\/?p=31754"},"modified":"2023-06-14T11:02:14","modified_gmt":"2023-06-14T15:02:14","slug":"papiamento-20-ana-como-idioma-oficial-di-aruba","status":"publish","type":"post","link":"https:\/\/www.ea.aw\/pages\/papiamento-20-ana-como-idioma-oficial-di-aruba\/","title":{"rendered":"Papiamento 20 a\u00f1a como idioma oficial di Aruba"},"content":{"rendered":"

Dia 21 di mei 2023 ta net 20 a\u00f1a pasa cu Parlamento a aproba e ley cu a haci Papiamento bira\u00a0 idioma oficial di Aruba. E ley aki yama “Landsverordening offici\u00eble talen”. <\/em>Pa medio di e ley aki\u00a0 Papiamento y Hulandes a bira idiomanan oficial di Aruba banda di otro. <\/p>\n

\n

Meta di e ley <\/span><\/h3>\n

Den e “Memorie van Toelichting” (MvT) di e ley, ta splica cu e meta di e ley aki ta pa fiha formalmente cu Papiamento y Hulandes ta e idiomanan oficial di Aruba. E MvT ta sigui splica cu kier pone enfasis cu e dos idiomanan aki ta igual, cu e mesun balor. Cu e ley aki kier logra haya \u00a0experencia tambe cu uzo di Papiamento den sector di gobernacion y den sector huridico. E ley ta habri e posibilidad pa un ciudadano pidi traduccion di un documento di gobierno na Papiamento, si e ciudadano ta un interesado (“belanghebbende”). Esaki lo por stimula departamentonan di gobierno pa skirbi documento di biaha na Papiamento.<\/p>\n

\n

Motibo di e ley<\/span><\/h3>\n

Di basta tempo caba, pero sigur desde Status Aparte, e deseo a crece pa por uza Papiamento manera un idioma cu tin e mesun balor cu Hulandes, den tur area di comunidad, tanto papia como skirbi. \u00a0Hende a bira mas consciente di e propio identidad cultural y e importancia di idioma den e proceso aki. Esaki tambe ta wordo splica den e “Memorie van Toelichting” di e ley.<\/p>\n

\n

Papiamento den ense\u00f1ansa<\/span><\/h3>\n

Te den siglo 20 ainda Hulandes tabata e unico idioma di instruccion na mayoria scol di e islanan ABC. Desde siglo 19 caba varios persona prominente a indica cu esey no ta e miho forma di instruccion pa ense\u00f1ansa. E mal dominio di Hulandes cerca e alumnonan tabatin su efecto riba e otro vaknan tambe, no solamente riba e vak Hulandes.<\/p>\n

E problemanan menciona ta valido den ense\u00f1ansa te dia di awe. Maske cu 80% ta papia Papiamento na cas (Pilot Census October 2019), Papiamento no a haya un rol mas importante como idioma di instruccion den ense\u00f1ansa, cu excepcion di e dos scolnan piloto di Proyecto Scol Multilingual. Te ainda mayoria di e alumnonan na Aruba ta alfabetisa (si\u00f1a lesa y skirbi) na Hulandes, mientras cu esaki ta un idioma stra\u00f1o pa nan. Di otro banda Aruba tin un sistema di ense\u00f1ansa Hulandes y pa esnan cu kier sigui studia, e balor di e diplomanan ta hopi importante.<\/p>\n

E pregunta ta: Con bo por percura pa e alumnonan tin un bon fundeshi den nan idioma materno y na mes momento haya tur e hermentnan pa por sigui studia? Con bo por percura pa un li\u00f1a continuo for di kleuterschool te cu ense\u00f1ansa superior pa loke ta trata idioma?<\/p>\n

Den e a\u00f1anan cu a pasa, hopi investigacion a wordo haci riba e topico di idioma, pero esaki a\u00a0\u00a0 \u00a0keda un asunto delicado, specialmente e parti di idioma di instruccion. Pa soluciona e problematica aki, Minister di Ense\u00f1ansa y Deporte, Sr. Endy Croes, a duna Departamento di Ense\u00f1ansa (DEA) e tarea pa bin cu un Debate Nacional. Esaki a tuma luga for di maart te december 2022, cu tabata un proceso caminda a tene mas cu 50 consulta cu diferente stakeholder, tanto paden como pafo di ense\u00f1ansa. Na december, e comision di DEA encarga cu e tarea a entrega un conseho preliminar na minister y na maart 2023 a entrega e conseho definitivo.<\/p>\n

For di e debate a sali afo cu mayoria di e stakeholdernan ta desea pa e alumnonan si\u00f1a 4 idioma na scol, incluyendo Papiamento, pa desaroya nan habilidadnan multilingual. Mayoria ta di acuerdo pa e alumnonan alfabetisa na Papiamento y si\u00f1a Hulandes di tal manera cu nan por sigui ense\u00f1ansa (secundario y superior) na Hulandes.<\/p>\n

Mirando e resultadonan aki y teniendo cuenta cu tur e investigacionnan haci, minister a aproba e conseho.<\/p>\n

Aki por haya e maneho integral di idioma den ense\u00f1ansa, manera aproba:<\/p>\n