{"id":31145,"date":"2023-02-21T09:25:07","date_gmt":"2023-02-21T13:25:07","guid":{"rendered":"http:\/\/www.ea.aw\/pages\/?p=31145"},"modified":"2023-02-22T09:28:55","modified_gmt":"2023-02-22T13:28:55","slug":"dia-internacional-di-idioma-materno-2023","status":"publish","type":"post","link":"https:\/\/www.ea.aw\/pages\/dia-internacional-di-idioma-materno-2023\/","title":{"rendered":"Dia Internacional di Idioma Materno 2023"},"content":{"rendered":"

E tema di Dia Internacional di Idioma 2023 ta “Ense\u00f1ansa multilingual – un necesidad pa transforma ense\u00f1ansa”. Segun Unesco, 40% di poblacion mundial no ta haya les na un idioma cu nan ta papia of compronde.<\/p>\n

<\/p>\n

Sinembargo, danki na mas comprension pa e importancia di idioma materno, tin progreso riba tereno di ense\u00f1ansa multilingual, specialmente pa mucha chikito. Tambe e compromiso pa desaroya multilingualismo den e area publico ta birando mas grandi.<\/p>\n

Idioma y multilingualismo por promove inclusion, y e enfoke di SDG ta pa no laga niun hende atras. Unesco ta stimula y promove ense\u00f1ansa multilingual basa riba idioma materno. Esaki ta un tipo di ense\u00f1ansa cu ta cuminsa den e idioma cu e alumno ta domina miho y despues gradualmente ta introduci otro idiomanan. E acercamento aki ta haci cu e alumno por cera e buraco cu tin entre cas y scol, si su idioma materno ta diferente for di esun uza na scol como idioma di instruccion. E alumno lo descubri e ambiente di scol na un idioma familiar y lo si\u00f1a miho asina.<\/p>\n

Multilingualismo ta contribui na desaroyo di sociedadnan inclusivo cu ta permiti diferente cultura existi banda di otro. E tema di Dia Internacional di Idioma 2023 “Ense\u00f1ansa Multilingual – un necesidad pa transforma ense\u00f1ansa”, ta cuadra cu e recomendacionnan haci durante e cumbre “Transforming Education Summit”, caminda a pone un enfasis tambe riba ense\u00f1ansa y idiomanan di pueblonan indigena.<\/p>\n

Unesco ta kere tambe den e importancia di diversidad cultural y linguistico pa sociedadnan sostenibel. Den cuadra di su mandato pa promove paz, e ta traha pa preserva e diferencianan di cultura y idioma cu ta fomenta tolerancia y respet pa otronan.<\/p>\n

E sociedadnan multilingual y multicultural ta existi pa medio di nan idiomanan, cu ta transmiti y preserva conocemento y cultura tradicional di manera sostenibel. Cada dos siman, como promedio, un idioma ta disparce, hibando cu ne desaparicion di henter un patrimonio cultural y intelectual.<\/p>\n

E idea di celebra Dia Internacional di Idioma Materno tabata un iniciativa di Bangladesh. El a keda durante e Conferencia General di Unesco di 1999 y a cuminsa wordo celebra mundialmente desde a\u00f1a 2000.<\/p>\n

\n
\"\"<\/div>\n
\n

Info \/ Contact<\/span><\/h3>\n