{"id":29146,"date":"2022-01-20T17:59:36","date_gmt":"2022-01-20T21:59:36","guid":{"rendered":"http:\/\/www.ea.aw\/pages\/?p=29146"},"modified":"2022-01-20T19:28:03","modified_gmt":"2022-01-20T23:28:03","slug":"minister-di-ensenansa-a-presenta-su-vision-y-maneho","status":"publish","type":"post","link":"https:\/\/www.ea.aw\/pages\/minister-di-ensenansa-a-presenta-su-vision-y-maneho\/","title":{"rendered":"Minister di Ense\u00f1ansa a presenta su vision y maneho"},"content":{"rendered":"

Recientemente Minister di Ense\u00f1ansa (Croes) a presenta na tur dies directiva di scol “Ense\u00f1ansa den Transicion”, su maneho pa ense\u00f1ansa pa e periodo 2021-2025.<\/p>\n

<\/p>\n

Presente na e ocasion tabata tur presidente y\/of director hunto cu Departamento di Ense\u00f1ansa Aruba (Directie Onderwijs), Dienst Inspectie van het Onderwijs y Dienst Uitvoering Onderwijssubsidies (DUOS).<\/p>\n

\n

\"\"<\/p>\n

\n

Ense\u00f1ansa den Transicion<\/span><\/h3>\n

E presentacion tabatin como titulo ‘Ense\u00f1ansa den Transicion\u2019.\u00a0Minister Croes a duna un presentacion hopi amplio unda a bay un poco den historia desde 1986 unda a bin riba diferente rapport cu a wordo skirbi. Tambe a elabora riba e vision y mision di Minister Croes. A papia di e Plan Educacion Nacional “PEN 2030”, SDG 4 cu ta brinda oportunidad pa tur hende tin acceso na ense\u00f1ansa y “lifelong learing”.<\/p>\n

E prioridadnan ta (1) calidad basico di ense\u00f1ansa, (2) ense\u00f1ansa pa un y tur y (3) desaroyo di competencianan di siglo 21.<\/p>\n

Durante e presentacion Minister Croes a papia tambe di e recomendacionnan di e \u2018tussenrapport\u2019 cu ta un \u2018doorlichting\u2019 cu door di e \u2018landspakket\u2019 cu a tuma luga entre Inspectie di Aruba y Inspectie di Hulanda.<\/p>\n

Durante e presentacion a elabora riba e cifranan pa cu ense\u00f1ansa, e cantidad di alumnonan y scolnan. E mandatario a pidi cada \u2018stakeholder\u2019 pa carga nan responsabilidad den e proceso, directivanan di scol carga di nan, minister ta carga di dje, Gobierno tambe ta carga di dje, diensten ta carga di nan y hunto nos eleva ense\u00f1ansa cu e cambionan y reformanan cu e \u2018landspakket\u2019 y e rapport final lo brinda.<\/p>\n

Nos a plantia un vision y nos a pidi tur e directivanan di scol cu esaki ta un di e plataformanan cu nos ta bay uza. Minister Croes a bisa cu a pidi pa nan contribucion, conseho y comunicacion pa hunto hiba ense\u00f1ansa na un otro nivel. E mandatario a sigui bisa; Nos ta contento con e presentacion a bay. Nos por a sinti un satisafaccion den e sala cu e presentacion cu nos a duna. \u2018Nos ta bay tin un ense\u00f1ansa fuerte pa futuro y asina produciendo tambe bon ciudadano capacita pa nos comunidad cu lo sigui yuda Aruba desaroya tanto den economia y den tur otro sector pa un miho Aruba\u2019, e mandatario a finalisa.<\/p>\n

Fuente:<\/p>\n