{"id":28494,"date":"2021-10-04T11:34:21","date_gmt":"2021-10-04T15:34:21","guid":{"rendered":"http:\/\/www.ea.aw\/pages\/?p=28494"},"modified":"2021-10-04T13:08:01","modified_gmt":"2021-10-04T17:08:01","slug":"resultado-di-prome-investigacion-bou-di-centronan-di-cuido-di-mucha-na-aruba","status":"publish","type":"post","link":"https:\/\/www.ea.aw\/pages\/resultado-di-prome-investigacion-bou-di-centronan-di-cuido-di-mucha-na-aruba\/","title":{"rendered":"Resultado di prome investigacion bou di Centronan di Cuido di Mucha na Aruba"},"content":{"rendered":"

Den cuadro di Sociaal Crisis Plan a ehecuta e prome investigacion bou di Centronan di Cuido di Mucha aki na Aruba. Un total di 96 Centro di Cuida di Mucha, cu ta registra boluntariamente na Fundacion Pa Nos Muchanan, a participa na e investigacion aki.<\/p>\n

<\/p>\n

\n

\"\"<\/p>\n

\n

Sue-Ann Ras como coordinador nacional di implementacion di LV Kinderopvang conhuntamente cu Fundacion Pa Nos Muchanan, Departamento di Salubridad Publico, Departamento di Ense\u00f1ansa Aruba y Departamento di Asunto Social a keda encarga pa ehecuta e investigacion aki cual a tuma luga entre luna di juni te cu september di a\u00f1a 2020.<\/p>\n

A midi diferente aspecto relaciona cu siguridad, salud, higiena, maneho pedagogico y personal di cada centro cu a participa. Locual cu a resalta di e investigacion aki ta, cu mayoria Centro di Cuido no tabata tin protocol stipula cu ta hopi esencial pa maneha un Centro di Cuido.<\/p>\n

\n

E Resultadonan<\/span><\/h3>\n

Den cuadro di siguridad a resulta cu hopi Centro di Cuido falta un plan di escape pa e centro, y tambe tin centro cu no tabata tin brandblusser cu ta crucial pa ora di un situacion di candela.<\/p>\n

Den e area di maneho pedagogico a resulta cu no tin suficiente conocemento riba e tematica aki entre e personal di e centronan. Locual cu tambe a wordo identifica ta e duda cu ta eherce den e centronan pa anda cu muchanan cu necesidad special y tambe con pa involucra e mayornan den e proceso pa por yuda e muchanan aki.<\/p>\n

Den e aspecto di salubridad a resulta cu tin centro cu no tin ba\u00f1o separa pa nan personal y pa e muchanan. Den e area di higiena esaki ta di suma importancia. Tambe e parti personal ta rekeri su atencion mirando cu Ley ta stipula cu e cabesante di e Centro di Cuido di Mucha mester tin minimo un diploma MBO-3 specialisa den bienestar social, y tin centronan caminda esaki no ta e caso.<\/p>\n

Cu tur e resultadonan aki cu a wordo acumula awo ta sigui cu e siguiente pasonan pa asina yuda e centronan aki cumpli cu exigencianan di nos Leynan.<\/p>\n

\n

E siguiente pasonan<\/span><\/h3>\n

E siguiente pasonan ta pa cuminsa facilita un estudio MBO SPW-3 specialisa den Kinderopvang, cual Fundacion Ense\u00f1ansa Pa Aruba (FEPA) lo ehecuta. Esaki ta programa pa cuminsa na januari di a\u00f1a 2022.<\/p>\n

Den e lunanan venidero di october y november di e a\u00f1a 2021, lo cuminsa cu e di dos (2) tanda di Codigo di Proteccion<\/a> pa e cabesantenan di Centro di Cuido di Mucha cu no a haya esaki ainda.<\/p>\n

Alabes ta finalisando e manual di regulacion pa e Centronan di Cuido, pa asina por sinta den ronda di informacion cu tur centro envolvi pa repasa esaki. Tin di menciona cu e implementacion aki ta bay den fase a base di e resultadonan di e prome investigacion aki.<\/p>\n

Pa locual ta trata e proyecto di Intervencion trempan pa e muchanan cu necesidad special den Centro di Cuido di Mucha, actualmente ta trahando cu e profesor di Missouri y Plataforma Intervencion Trempan (PITA), pa asina por yega na un plan pa Aruba pa atende na tempo y profesionalmente nos muchanan cu necesidad special den Centro di Cuido di Mucha.<\/p>\n

Pa mas informacion encuanto e siguiente desaroyonan pa locual ta trata e proyecto aki por tuma contacto cu Social Crisis Plan na 5281100.<\/p>\n

\n

Rapport<\/span><\/h3>\n

\"\"<\/p>\n

Por lesa e rapport cu e resultadonan di e prome investigacion bou di Centronan di Cuido di Mucha na Aruba aki:<\/p>\n