{"id":27029,"date":"2021-04-22T17:05:06","date_gmt":"2021-04-22T21:05:06","guid":{"rendered":"http:\/\/www.ea.aw\/pages\/?p=27029"},"modified":"2021-10-18T17:41:30","modified_gmt":"2021-10-18T21:41:30","slug":"hulanda-stoi-nek-un-guia-di-preparacion-pa-studiante","status":"publish","type":"post","link":"https:\/\/www.ea.aw\/pages\/hulanda-stoi-nek-un-guia-di-preparacion-pa-studiante\/","title":{"rendered":"\u201cHulanda? Sto\u2019i nek!\u201d un guia di preparacion pa studiante"},"content":{"rendered":"

Den Haag \u2013 Recientemente Marhainska Sakoetoe tabata di bishita na Arubahuis pa haci entrega oficial di su buki \u201cHulanda? Sto\u2019i nek!\u201d, un guia di preparacion pa (futuro) studiantenan di nos islanan di Caribe Hulandes.<\/p>\n

<\/p>\n

E buki ta enfoca riba tur e aspectonan relevante di e bida di studiante na Hulanda. E prome version di e buki a wordo publica a\u00f1a pasa na Papiamentu y mientrastanto e buki a wordo traduci y publica na Ingles cu e titulo \u201cHolland? Say what?!\u201d.<\/p>\n

Marhainska Sakoetoe ta un ex-studiante originalmente di Cura\u00e7ao cu a studia na Universidad di Utrecht y cu ta trahando actualmente como orthopedagogo den e area di Jeugdzorg na Hulanda.<\/p>\n

E escritora a scribi e buki a base di su propio experencia como studiante di Cura\u00e7ao na Hulanda pero ta menciona cu su inspiracion di mas grandi pa scirbi e buki ta e experencia mas recien di su ruman y su grupo di amigo cu a bin studia na Hulanda. Marhainska por a experencia di cerca e retonan cu su ruman y amigonan a enfrenta y tabata convenci cu e kier contribui na un miho preparacion pa e futuro studiantenan di nos islanan.<\/p>\n

Den su buki Marhainska ta duna informacion y ta comparti experencia y conseho riba entre otro e idioma y cultura Hulandes, maneho di placa, heimwee y diferente otro topico. E buki ta inclui storianan real di studiante y ex-studiante y ta contene algun checklists pa facilita e preparacion y e experencia di e studiante na Hulanda.<\/p>\n

Durante e encuentro na Arubahuis a repasa e contenido di e buki y a intercambia di pensamento riba diferente aspecto. Arubahuis y e escritora a palabra cu hunto lo sigui delibera riba e posibilidad pa brinda e contenido di e buki na nos (futuro) studiantenan den forma di workshops y riba diferente otro manera pa haci e buki y e informacion mas accesibel pa e studiantenan di Aruba.<\/p>\n

\n

\"\"<\/p>\n

Potret ta cortesia di Cas di Aruba<\/em><\/p>\n

\n

Minister Besaril a felicita Marhainska cu su publicacion y a mustra elogio y aprecio pa su motivacion y compromiso pa informa futuro studiantenan pa medio di su buki. E mandatario a indica cu e ta considera e buki un bon contribucion na un meta comun, esta pa nos hobennan ta miho prepara pa nan bida como studiante na Hulanda y pa nan ta exitoso.<\/p>\n

E buki di Marhainska Sakoetoe ta disponibel na Biblioteca Nacional di Aruba y na diferente boekhandel na nos islanan.<\/p>\n

Pa mas informacion por bishita e pagina \u201cStudia na Hulanda\u201d di Arubahuis conhuntamente cu Departamento di Ense\u00f1ansa na e seccion di \u201coverige informatiebronnen\u201d:<\/p>\n