![\"\"](\"https:\/\/www.ea.aw\/pages\/wp-content\/uploads\/2021\/02\/DEA-buki-digital-Papiamento-storyweaver-01-745.png\")
<\/p>\nDepartamento di Ense\u00f1ansa Aruba (DEA) tin e sumo placer di anuncia cu Proyecto Idioma a publica 21 buki digital pa mucha na Papiamento y pronto lo publica mas pa yega na un total di 60 buki. <\/p>\n
<\/p>\n
Esaki ta riba e website di Storyweaver, cu ta un plataforma digital, caminda por lesa storia online.<\/p>\n
Ta trata di traduccion for di otro idioma cu ta publica caba riba Storyweaver, caminda por lesa storia online den diferente idioma. E plataforma tin como meta pa mas mucha na mundo tin acceso na buki pa lesa.<\/p>\n
Traduccion di e bukinan digital a tuma luga na encargo di Proyecto Idioma den Ense\u00f1ansa, cu ta e proyecto di innovacion di DEA cu a publica entre otro e \u201cbuki blauw\u201d, e bukinan di gramatica di morfologia y sintaxis, y buki di lesa pa mucha y hoben, tur na Papiamento. Gina Ramsbottom y Audrey Tromp-Wouters a traduci e bukinan digital y Juan Maduro tabata na encargo di e redaccion.<\/p>\n
Pa medio di traduccion di buki digital, DEA ta desea di promove lesamento y desaroyo di idioma cerca nos muchanan na Papiamento, e idioma materno di mayoria di nos muchanan na Aruba. Di e manera aki DEA ta contribui tambe na proteccion y preservacion di nos dushi idioma Papiamento.<\/p>\n
![\"\"](\"https:\/\/www.ea.aw\/pages\/wp-content\/uploads\/2021\/02\/DEA-buki-digital-Papiamento-storyweaver-02-745.png\")
<\/p>\n
Por lesa e bukinan aki riba Storyweaver:<\/p>\n
![\"\"](\"https:\/\/www.ea.aw\/pages\/wp-content\/uploads\/2021\/02\/logo-storyweaver.png\"){kind=logo}
<\/p>\n
Diadomingo venidero, dia 21 di februari 2021, ta Dia Internacional di Idioma Materno. Esaki ta un fecha cu UNESCO a proclama formalmente na a\u00f1a 1999 pa hende ta consciente di e diversidad linguistico y cultural na mundo y pa promove multilingualismo.<\/p>\n
E iniciativa pa e dia aki a bin di parti di Bangladesh, caminda riba 21 di februari\u00a0 1952, na Dhaka (e tempo aya Pakistan), morto a cay pa motibo cu gobierno no kier a reconoce e idioma Bengali\u00a0 (Bangla) como un di e idiomanan oficial di Pakistan, maske cu esaki tabata e idioma di mayoria den e region. Esnan cu a tuma e iniciativa, a pidi Nacionnan Uni pa tuma un paso pa salba e idiomanan di mundo for di extincion.<\/p>\n
E a\u00f1a aki e tema di UNESCO ta: promove multilingualismo pa inclusion den ense\u00f1ansa y sociedad. Segun UNESCO, diversidad linguistico ta wordo menasa y mas y mas idioma ta disparce. 40% di e poblacion na mundo no tin acceso na ense\u00f1ansa den un idioma cu nan ta papia of compronde. Pero UNESCO ta mira cu tin un adelanto riba tereno di ense\u00f1ansa multilingual basa riba idioma materno.<\/p>\n
Na Aruba e pensamento aki a cristalisa den SAM: Scol Arubano Multilingual. Gran mayoria di e scolnan primario na Aruba ta bay ofrece ense\u00f1ansa na Papiamento, haciendo uzo tambe di e otro idiomanan mas uza den comunidad di Aruba, cu ta Hulandes, Spa\u00f1o y Ingles.<\/p>\n
Segun cifra di e Censo piloto di 2019, e idioma mas uza na cas ta Papiamento (80%), eventualmente uza banda di un of mas otro idioma. Pa por ofrece ense\u00f1ansa di y na Papiamento y pa preserva y proteha e idioma mas uza na Aruba, gobierno mester cumpli cu cierto condicionnan riba tereno di idioma. Un di e condicionnan aki ta desaroyo di material pa lesa.<\/p>\n
Pa mas informacion por busca den e alfabet menu riba nos pagina principal:<\/p>\n