Esaki segun Minister di Ense\u00f1ansa, Ciencia y Desaroyo Sostenibel (Lampe). Un di e palabracionan den cuadro di ayudo financiero (Landspakket) entre Aruba y Hulanda ta pa haci un doorlichting di nos sistema di ense\u00f1ansa. Ministerio di Educacion, Ciencia y Desaroyo Sostenibel a bay di acuerdo cu e palabracion aki y tambe ta dunando tur cooperacion pa logra un resultado cu lo tin beneficio pa sigui desaroya, fortifica y mas cu claro tambe innova e sistema di educacion di Aruba.<\/p>\n
<\/p>\n
E importancia di educacion na un nivel adecua ta un meta comun di Aruba y Hulanda. Den e Landspakket ta indica cu tin indicacion cu tin varios faceta di ense\u00f1ansa na Aruba cu no ta cana bon. Ta wordo menciona entre otro: nivel di maneho di scolnan cu no ta consistente, un falta di conexion entre sector laboral y ense\u00f1ansa, falta di metodonan di educacion moderno y tiki espacio den e presupuesto pa haci reformanan y\/of innovacion posibel.<\/p>\n
Metanan a largo plaso di e doorlichting:<\/p>\n
E instrumento cu lo wordo usa pa e doorlichting ta un investigacion riba nivel macro di nos sistema di ense\u00f1ansa. A wordo palabra cu e investigacion lo concentra riba e sistema di maneho den ense\u00f1ansa \u2018governance\u2019 y tambe riba calidad di e sistema.<\/p>\n
E investigacion lo mester start na maart 2021.<\/p>\n
Como cu ta un investigacion riba nivel macro e ta inclui tur\u00a0stakeholders cu ta parti di e sistema di ense\u00f1ansa. Den e prome fase di investigacion lo concentra primeramente riba investigacionan existente y di cua e resultadonan a wordo valida pa expertonan na Aruba. Aki ta referi na investigacionan di entre otro e temanan manera: proceso di subsidio, contenido di maneho, control y supervision, idioma den ense\u00f1ansa, resultado di studiantenan na Aruba y den exterior, y tambe calidad di ense\u00f1ansa en general.<\/p>\n
E team cu lo ta encarga cu investigacion lo ta, segun palabracionnan, un team cu tin persona di Aruba y otro paisnan den Reino como miembro.<\/p>\n
E resultadonan mester duna bista riba e direccion cu nos ense\u00f1ansa mester bay den e proximo decadanan teniendo cuenta cu loke ta sostenibel y financiabel dor di Pais Aruba. E impacto di e sistema di Ese\u00f1ansa riba nos sociedad no por wordo mira di biaha, pesey ta papia di inversion den ense\u00f1ansa. Pa e motibo aki mes no por prepara hobenan pa loke nos conoce awor como sociedad pero pa loke e sociedad lo bira den futuro.<\/p>\n