{"id":25913,"date":"2020-12-02T16:59:34","date_gmt":"2020-12-02T20:59:34","guid":{"rendered":"http:\/\/www.ea.aw\/pages\/?p=25913"},"modified":"2023-05-23T15:52:50","modified_gmt":"2023-05-23T19:52:50","slug":"investigacion-con-ta-bay-cu-calidad-di-bida-di-hobennan-na-aruba","status":"publish","type":"post","link":"https:\/\/www.ea.aw\/pages\/investigacion-con-ta-bay-cu-calidad-di-bida-di-hobennan-na-aruba\/","title":{"rendered":"Investigacion: Con ta bay cu calidad di bida di hobennan na Aruba"},"content":{"rendered":"

Cu hopi orguyo y satisfaccion e team di IPA lidera dor di Dr. Paula Kibbelaar a presenta e rapport di e investigacion piloto haci riba e bienestar di hobennan den nos comunidad.<\/p>\n

<\/p>\n

E estudio aki a wordo haci na a\u00f1a 2019 bou di 11 scol na Aruba di cua mayoria tabata scol basico y 1 scol pa ofishi (SPO).<\/p>\n

Mas o menos 900 mucha a participa na e investigacion aki door di yena un encuesta. E encuesta a trata e topiconan: scol, bario, situacion na cas, idioma y salud. Banda di esaki a entrevista 50 funcionario di e team di cuido di scol, maestronan y directornan di scol. E directivanan di SKOA, SPCOA y DPS tambe a wordo entrevista.<\/p>\n

E datonan a wordo procesa door di CBS di Aruba y analisa door di Dr. Kibbelaar conhuntamente cu investigadornan di Vrije Univeriteit di Amsterdam.<\/p>\n

\n

Obhetivo<\/span><\/h3>\n

E investigacion aki tin como obhetivo pa contribui na e Plan Strategico Nacional (NSP), e raport di Caft, e acuerdo di coalicion (MEP, POR, RED), e Plan Educacion Nacional (PEN 2030)<\/a>, tratadonan di Nacionan Uni pa cu Desaroyo Sostenibel (SDG number 3, number 4 y number 5) y por ultimo e \u2018Plan di Crisis Social\u2019 (SCP).<\/p>\n

Banda di datonan interesante, e investigacion a desaroya un instrumento di autoinforme cu por yuda pa monitor e calidad di bida di hobennan di Aruba pa tempo largo den scol primario y secundario.<\/p>\n

A base di e datonan colecta por desaroya strategianan pa promove salud y bienestar di hobennan riba nos isla y evita comportacion riesgoso.<\/p>\n

\n

Conclusion general<\/span><\/h3>\n

Di e resultadonan di e estudio por formula algun conclusion general:<\/p>\n

    \n
  1. Tin indicacion cu hopi mucha na Aruba ta funciona rasonabelmente bon den nos comunidad;<\/li>\n
  2. Mayoria di e muchanan a informa cu nan ta mira nan mes como mucha feliz, cu no tin mucho preocupacion y mayoria di e muchanan no ta menciona cu nan tin di haber cu \u00a0comportacion problematico manera pelea y termento\/bullying;<\/li>\n
  3. Di esnan cu si ta encontra cu comportacion problematico, esaki ta cuminsa na un edad relativamente hoben (pre-adolescencia) e grupo aki mester monitor mas di cerca;<\/li>\n
  4. Si mira mas den profundidad, por mira cu un porcentahe halto (30%) di mucha cu ta den e ultimo a\u00f1anan di scol primario, a tuma un caminda den scol primario mas largo cu ta previsto.<\/li>\n
  5. Na nivel di factor individual di mucha, mita di e muchanan a raporta un nivel abou di autocontrol;<\/li>\n
  6. Un cantidad considerabel di mucha a raporta un estilo di bida poco saludabel (40%);<\/li>\n
  7. Mayoria di mucha a raporta un autoimagen positivo (74%);<\/li>\n
  8. Na nivel familiar, ta mustra cu mayoria di e muchanan tin un perspectiva positivo di comportacion di nan mayornan (85%) y \u00a0e relacion cu nan mayornan (77%);<\/li>\n
  9. Na nivel escolar, mayoria di e muchanan (72%) a indica di ta satisfecho cu nan resultadonan di scol y nan relacion cu e maestro;<\/li>\n
  10. Tambe nan a informa di tin un vision positivo di comportacion di nan amigonan y e relacion cu nan;<\/li>\n
  11. Un cantidad preocupante di mucha (66%) a informa cu nan ta sinti insigur den nan bario.<\/li>\n<\/ol>\n
    \n

    Recomendacion<\/span><\/h3>\n

    E recomendacionnan di e estudio aki ta pa:<\/p>\n

      \n
    1. Sigui haci e estudionan di monitor pero riba un grupo mas amplio di mucha, pa loke ta trata caracteristica di mucha, famia, scol, amigo y bario den relacion cu bienestar;<\/li>\n
    2. Monitor caracteristica di tur mucha, famia, scol, amigo y bario den relacion cu comportacion antisocial y posiblemente di delincuencia;<\/li>\n
    3. Monitor specificamente e muchanan cu ta cuminsa klas 5 uzando e encuesta recientemente desaroya y ripitie cada dos a\u00f1a te ora cu nan caba scol secundario;<\/li>\n
    4. Desaroya herment pa mehora e autocontrol cerca e muchanan pa mehora nan concentracion y atencion;<\/li>\n
    5. Mehora relacion familiar saludabel, locual ta specialmente importante pa mucha muher;<\/li>\n
    6. Mehora posibilidad pa e maestronan presta atencion na e alumnonan di forma individual (door di recruta asistente den klas), specialmente pa esnan cu ta den riesgo di desaroya un comportacion antisocial y\/of desaroya problema di humor.<\/li>\n
    7. Continua cu enfoke riba e relacion entre idioma materno y e idioma di instruccion na scol;<\/li>\n
    8. Mehora comportacion relaciona cu salud:<\/li>\n
    9. Ofrece sosten accesibel pa mayornan;<\/li>\n
    10. Stimula participacion di mayor na scol;<\/li>\n
    11. Aumenta seguridad di bario pa aumenta bienestar y posibilidad, specialmente pa mucha muhe por expande nan ambiente social di un manera sigur.<\/li>\n<\/ol>\n
      \n

      Download<\/span><\/h3>\n

      Pa mas informacion di e investigacion por lesa e rapport como tambe un resumen na Papiamento, Ingles y Hulandes aki:<\/p>\n