{"id":25527,"date":"2021-02-11T09:42:22","date_gmt":"2021-02-11T13:42:22","guid":{"rendered":"http:\/\/www.ea.aw\/pages\/?p=25527"},"modified":"2021-02-11T17:40:24","modified_gmt":"2021-02-11T21:40:24","slug":"inscripcion-pa-estudio-pa-maestro-di-ensenansa-primario","status":"publish","type":"post","link":"https:\/\/www.ea.aw\/pages\/inscripcion-pa-estudio-pa-maestro-di-ensenansa-primario\/","title":{"rendered":"Inscripcion pa estudio pa maestro di Ense\u00f1ansa Primario"},"content":{"rendered":"

Instituto Pedagogico Arubano (IPA) ta recorda cu ultimo dia pa inscribi pa e estudio pa maestro di Ense\u00f1ansa Primario ta diabierna 12 di februari.<\/p>\n

<\/p>\n

\n

<\/p>\n

\n

Bo kier aporta na e formacion di nos muchanan? Bo ta un persona cu por carga responsabilidad y traha independientemente of den ekipo? Bo ta curioso y creativo? Si e contestanan ta si, e ora e estudio pa maestro di Ense\u00f1ansa Primario, cu IPA ta ofrece, ta e estudio ideal pa bo. E estudio pa maestro di Ense\u00f1ansa Primario ta forma maestro cu ta cualifica pa duna les na mucha di scol preparatorio y\/ of scol basico: un maestro cu ta funciona competentemente den klas, na scol y den un ambiente social.<\/p>\n

\n

Inscripcion<\/span><\/h3>\n

Tin dos ruta pa por yega na haci e estudio di maestro di Ense\u00f1ansa Primario, pa medio di:<\/p>\n

    \n
  1. diploma di sea havo, vwo of mbo nivel 4 (Si bo ta den examenklas di havo, vwo of mbo nivel 4 tambe bo lo tin cu inscribi di awo);<\/li>\n
  2. 21+ Toets. Inscripcion pa e 21+Toets a cera caba for di 12 di november 2020, dus no ta posibel mas pa inscribi pa 21+ Toets pa a\u00f1a academico 2021-2022.<\/li>\n<\/ol>\n

    Bo tin diploma di sea havo, vwo of mbo nivel 4 of ta den examenklas y bo ta sinti bo yama pa haci e estudio aki y ta desea di inscribi? Bishita e website di IPA ipaaruba.com<\/a>, bay na aanmelden y scoge pa beroepstest. Riba e pagina aki lo bo haya informacion general di e beroepstest. Tambe instruccion pa loke ta trata e procedura di inscripcion cu lo tuma luga online.<\/p>\n

    Tuma tempo pa lesa e informacion pasobra esaki ta sumamente importante pa por facilita e proceso di inscripcion y preparacion pa haci beroepstest.<\/p>\n

    \n

    Ultimo dia pa inscribi<\/span><\/h3>\n

    E ultimo dia pa inscribi pa e estudio pa maestro di Ense\u00f1ansa Primario ta 12 di februari 2021. Despues di e fecha aki no<\/em> por inscribi mas pa a\u00f1a academico 2021-2022.<\/p>\n

    Tene na cuenta cu solamente studiante den examenklas of graduado di havo, vwo of mbo nivel 4 por inscribi pa e estudio pa maestro di Ense\u00f1ansa Primario.<\/p>\n

    Pa mas informacion tambe por bishita e website ipaaruba.com<\/a> y si tin cualkier pregunta, por tuma contacto cu Studenten Services na 5243100.<\/p>\n

    \n

    Arubalening pa studia na IPA<\/span><\/h3>\n

    Land Aruba ta brinda esnan cu kier studia na IPA un prestamo pa facilita e studiante cu su gastonan di estudio. Mas informacion:<\/p>\n