{"id":24643,"date":"2020-08-24T09:30:26","date_gmt":"2020-08-24T13:30:26","guid":{"rendered":"http:\/\/www.ea.aw\/pages\/?p=24643"},"modified":"2020-08-24T13:05:31","modified_gmt":"2020-08-24T17:05:31","slug":"minister-besaril-a-elabora-riba-preparacion-y-reto-pa-guia-di-grupo-di-studiante-2020","status":"publish","type":"post","link":"https:\/\/www.ea.aw\/pages\/minister-besaril-a-elabora-riba-preparacion-y-reto-pa-guia-di-grupo-di-studiante-2020\/","title":{"rendered":"Minister Besaril a elabora riba preparacion y reto pa guia di grupo di studiante 2020"},"content":{"rendered":"

Den Haag\u00a0 \u2013 Den su ultimo conferencia di prensa relaciona cu e situacion cu covid 19 bou di e grupo di studiantenan 2020, Minister Plenipotenciario Guillfred Besaril a elabora riba e preparacionnan y retonan cu Cas di Aruba a enfrenta pa duna e guia nesesario na e grupo di studiante cu e a\u00f1a aki a bin pa sigi nan estudio avansa na Hulanda.<\/p>\n

<\/p>\n

\n

\"\"<\/p>\n

Potret: cortesia di Cas di Aruba<\/em><\/p>\n

\n

E mandatario a cuminsa na bisa cu desde comienso di a\u00f1a tabata tin contacto cu tur e partner di Aruba den esaki manera Ministerio di Ense\u00f1ansa na Hulanda y Aruba, DUO, diferente scolnan na Hulanda, Gemeenten, banco, woningcorporaties, Schiphol y Koninklijke Marechaussee, compania di bus, hotels etc.<\/p>\n

\n

Seguro<\/h3>\n

A base di e informacion aki Cas di Aruba a traha un protocol pa loke ta guia di e grupo di studiante 2020. Den e protocol aki a bin cu un inventarisacion di diferente scenario y un descripcion di implicacion di cada scenario. Un di puntonan importante di e protocol tabata e seguro colectivo medico pa e studiantenan. “Den pasaso tabata asina cu hasta den 2019 nos tabata haya hobennan cu ta yega Hulanda y nan no tabata adecuadamente segura. E momento cu bo yega y bo no ta sigura bo tin tres luna pa regla esaki. Y si den e periodo aki bo no regla bo seguro bo ta cuminsa cu un boet di 400 euro. Esaki no ta problemanan cu nos kier pa e hobennan haya nan mes den dje na pleno comienso di nan bida como studiante. Pesey pa nos esaki tabata un aspect hopi importante. Y mi ta contento cu nos a dera pia den tera pa e asunto aki, pasobra si e 11 hobennan cu e test positivo pa covid 19, mester a ricibi tratamento medico of drenta hospital etc, nan tabata corectamente segura,” segun e mandatario. Un otro aspecto di e protocol tabata facilitacion di facemasks y handsanitizers na studiantenan y e team.<\/p>\n

\n

Preparacion<\/h3>\n

Minister Besaril a papia di e preparacionnan cu a wordo haci den forma di diferente webinars pa e studiantenan cu ta biniendo Hulanda e a\u00f1a aki. “Desde cu mi a bira minister mi a sinti e necesidad pa duna nos studiantenan un mihor preparacion pa nan ta exitoso como studiante na Hulanda. Dos biaha pa a\u00f1a \u2013 na juni y november \u2013 nos conhuntamente cu tur esnan envolvi den ense\u00f1ansa na Aruba ta tene encuentronan cu e studiantenan na Aruba. Na luna di juni nos ta duna informacion importante y valioso na e grupo cu ta cla pa subi avion pa bin Hulanda pa asina precura cu nan tin e fundeshi nesesario pa ta exitoso den nan carera como studiante. Na november nos ta dirigi nos mes na e alumnonan den \u201cvoorexamenjaar\u201d di havo,vwo y epi cu ainda mester haci un escogencia ki tipo di estudio nan kier bai sigui. Y den e trayecto ey tambe nos kier a duna e studiante e guia necesario. Esaki ta hopi importante, pasobra si den bo prome of di dos a\u00f1a bo ripara cu e estudio no ta pabo, bo ta cambia di direccion di estudio, cu e resultado cu nan final di bo estudio bo ta sinta cu un debe grandi,” asina minister Besaril a bisa.<\/p>\n

Pesey sr. Besaril a bisa cu ta importante pa e hobennan Arubiano lo mester busca estudionan, manera waste manegement of logistiek y economia, na unda nan por tin chens na un trabou na Aruba.<\/p>\n

E mandatario a bisa cu pa motibo di covid 19 a haci uso di webinars y Q&A session pa toch por logra duna e studiante e informacion nesesario pa nan preparacion.<\/p>\n

Sr. Besaril a remarca den su declaracion cu e puntonan di salida pa opvang 2020 tabata cu salud di tur esnan envolvi y reglanan di higiena y distanciamento social ta na prome lugar. Minimalisa encuentronan fysico y minimalisa cana cu grupo grandi den ciudad. Minimalisa uso di transporte publico y haci palabracionnan pa asistencia (parcialmente) online di instancianan manera DUO, banco etc.<\/p>\n

Minister Besaril: “Opvang 2020 a conoce hopi reto pa motibo di Covid-19, pero Arubahuis y mentoren a tuma tur precaucion necesario pa garantisa salud y siguridad di tur esnan envolvi. Tur e asuntonan di mas importante a keda regla. Un yamada pa studiantenan keda mantene nan mes na e reglanan vigente na Hulanda. Tambe un apelacion na e mayornan pa nan sigui den e rol di guia.”<\/p>\n

Finalmente Minister Besaril a desea tur e studiante hopi exito cu e a\u00f1a academico 2020-2021.<\/p>\n

\n

Info \/ Contact<\/h3>\n

Pa mas informacion por busca\u00a0[S] Studia na Hulanda<\/a> den e alfabet menu riba nos pagina principal y\/of por tuma contacto cu:<\/p>\n