{"id":24372,"date":"2020-08-18T22:30:12","date_gmt":"2020-08-19T02:30:12","guid":{"rendered":"http:\/\/www.ea.aw\/pages\/?p=24372"},"modified":"2020-08-19T14:18:12","modified_gmt":"2020-08-19T18:18:12","slug":"situacion-di-covid-bou-studiante-na-hulanda","status":"publish","type":"post","link":"https:\/\/www.ea.aw\/pages\/situacion-di-covid-bou-studiante-na-hulanda\/","title":{"rendered":"Situacion di COVID bou studiante na Hulanda"},"content":{"rendered":"

Den Haag\u00a0 \u2013 “Un total di diesun (11) studiante cu a yega Hulanda na comienso di luna di augustus a test positivo pa COVID-19. Un cantidad di binticinco (25) studiante a test negativo y tin un (1) studiante di cual resultado di su test ta wordo spera den e dianan nos dilanti.”<\/p>\n

<\/p>\n

Esaki Minister Plenipotenciario Guillfred Besaril a bisa durante e ultimo conferencia di prensa riba e situacion di COVID-19 bou di e grupo di studiante 2020. Banda di e grupo di trintishete (37) studiante cu a haci test e mandatario a bisa cu bintiun (21) persona, di cual ta mentornan y miembronan di e Plaatselijke Opvangcommissie a haci un test y tur a sali negativo.<\/p>\n

Pa loke ta e studiantenan cu a test positivo minister Besaril a bisa cu ningun di nan a keda hospitalisa y cu poco poco nan ta saliendo di nan cuarentena y ta cuminsa nan bida como studiante na Hulanda. “Nos mester bisa cu pa loke ta asistencia, tur e studiantenan a wordo asisti debidamente door di e mentornan y e miembronan di POC. Danki na e asistencia aki tur loke tabata e necesidad primario a keda cubri, bay supermercado, bestel cuminda pa nan y awor nos ta den e fase final pa esnan cu si a test positivo.”<\/p>\n

Sr. Besaril a remarca cu Cas di Aruba a duna asistencia durante di e periodo di diescuater (14) dia cu e virus ta activo y cu e tarea primario di \u201copvang\u201d na e momento di yega na Schiphol di Cas di Aruba a termina. “Si den caso otro hobennan den e grupo of cualkier otro studiante test positivo riba COVID-19, primeramente e ta un responsabilidad di e GGD y RIVM aki na Hulanda. Pero e hecho cu simplemente bo ta un Arubiano bo por conta cu e sosten y apoyo di Cas di Aruba pa asina aki nos por asisti bo,” segun Minister Besaril cu alabes a gradici staf y personal di Cas di Aruba, specialmente e departamento di Ense\u00f1ansa y tambe e miembronan di POC y e mentornan pa nan trabou den e guia di e studiantenan 2020.<\/p>\n

\n

\"\"<\/p>\n

Potret: cortesia di Cas di Aruba<\/em><\/p>\n

\n

12 di augustus 2020<\/h3>\n

Den Haag \u2013 “Tin nuebe (9) studiante di e grupo 2020 cu a test positivo pa cu COVID-19. Tin bintiun (21) studiante cu a test negativo y dos (2) caso ainda ta pendiente di resultado. En total un cantidad di trintidos (32) studiante a haci un test paso nan tabata tin sintomanan di COVID-19.” Esaki Minister Plenipotenciario Guillfred Besaril a informa durante di un conferencia di prensa diaranson 12 di augustus 2020.<\/p>\n

Tambe e mandatario a menciona cu tabata tin binti (20) persona bou di e team di mentornan y miembronan di e POC nan cu a haci un test di cual diesshete (17) di nan ta negativo y tres (3) persona ta den espera di nan resultado.<\/p>\n

Test scondi<\/strong><\/span><\/p>\n

Den su discurso minister Besaril a menciona y kier a para keto nan un situacion cu no unicamente ta preocupante pero tambe hopi alarmante. \u2018Nos a bin na compronde di fuentenan cu tin mas studiante cu tin sintomanan di COVID-19, pero cu a opta pa bay haci un test na un manera scondi, sea pa berguensa of no ta consciente di e gravedad di e situacion. Aunke cu nos ta respeta bo privacidad, di otro banda bo mester tene cuenta cu bo ta forma parti di un grupo cu a bin den contacto cu diferente hende. E hende ey cu bo a bin den contacto cune merece un \u201cfair chance\u201d pa sa si e por tin e virus di COVID-19 of ta portador di e virus. Pasobra si esey no keda identifica, anto e ora ey e cluster -e grupo 2020 aki- ta bira un cluster cu ta plama e virus aki na Hulanda. Y esaki ta loke nos ta purba di evita; purba di contene. Y nos ta sintie como un coresponsabilidad no solamente pa autoridadnan Hulandes, pero tambe di nos cu ta esun cu ta percura cu nos hobennan na e momento cu nan yega Hulanda,\u2019 Minister Besaril a bisa.<\/p>\n

Sr. Besaril a haci un apelacion na e hobennan y mayornan di e hobennan aki cu a haci un test scondi pa bin dilanti pa pasobra esaki ta e unico manera pa aplica un asina yama \u201ctrack and trace\u201d pa evita cu e virus ta sigui plama.<\/p>\n

Fiesta<\/strong><\/span><\/p>\n

Otro punto cu minister Besaril a adresa den su conferencia di prensa ta e informacion cu a yega na Cas di Aruba cu bou di e grupo di studiantenan tin plan pa organisa fiesta na cas di studiante. E mandatario a urgi e studiantenan of hobennan pa tene cuenta di e seriedad di e situacion. “Nos tabata tin e incidente cu e nightlive na Aruba caba. Ami como minister of cualkier otro cu ta encarga cu Arubahuis lo denuncia esaki na e autoridadnan competente aki na Hulanda. Esaki ta inacceptabel!” tabata palabranan fuerte di Minister Plenipotenciario Guillfred Besaril na e studiantenan.<\/p>\n

E mandatario a subraya cu Cas di Aruba tey pa sostene tur hoben y duna e guia na e hobennan. “Nos a demostra esaki specialmente den e crisis aki, caminda staf y personal di Cas di Aruba y cu ta traha directamente cu Cas di Aruba of den un forma boluntario ta contribui cu Cas di Aruba pa cu e \u201copvang\u201d di e studiantenan a expone nan mes, nan propio siguridad y di nan famia pa asina a ricibi e grupo 2020 pa duna nan un guia cu por lo menos nan sa ki caminda pa cana. Mi no ta kere ta husto pa tur di nos cu ta haci e trabou aki di curason cu ta consciente cu unabes bo ta aki na Hulanda bo ta un representante di Aruba y algo asina bay tuma lugar cu tur consecuencia cu e por trece cune,” segun Minister Besaril durante di e conferencia di prensa riba e situacion cu COVID-19 bou di grupo di studiantenan cu recien a yega Hulanda.<\/p>\n

\n

10 di augustus 2020<\/h3>\n

Den Haag \u2013 “Te cu diadomingo anochi tin seis (6) studiante cu a test positivo pa COVID-19. Ocho (8) studiante a test negativo y diesun (11) studiante ta pendiente e resultado di nan test. Esaki ta haci cu e grupo di studiante cu sintoma di COVID-19 a yega un total di binticinco (25) studiante,” asina Minister Plenipotenciario Guillfred Besaril a informa.<\/p>\n

Ademas di e hobennan, tambe tabata tin tres (3) mentor cu a cuminsa sinta varios di e sintomanan cu ta comun na momento cu bo ta infecta cu e virus. Nan tur tres a laga haci un test y e resultado ta cu tin dos mentor negativo y un mentor ainda ta pendiente pa e resultado.<\/p>\n

Tambe seis\u00a0 (6) miembro di e diferente Plaatselijke Opvang Commissies POC a pasa test y tur a sali negativo.<\/p>\n

E Landelijke co\u00f6rdinatie infectieziektebestrijding (LCI\/RIVM) a tuma contacto diadomingo cu ArubaHuis a base di e \u201cmeldingen\u201d di GGDnan. Minister Besaril a bisa cu Arubahuis ta dunando tur cooperacion na bienestar di e hobennan studiante di e grupo 2020.<\/p>\n

\n

7 di augustus 2020<\/h3>\n

Den Haag \u2013 Minister Plenipotenciario di Aruba na Hulanda (Besaril) a tene un conferencia di prensa diabierna 7 di augustus pa duna un update riba e situacion cu COVID-19 bou e grupo di studiante cu a yega Hulanda e siman aki.<\/p>\n

Minister Besaril a cuminsa na confirma cu awor tin tres studiante cu e test positivo pa cu covid 19. Tambe e mandatario a bisa cu tres studiante cu a haci test a resulta di ta negativo. Tin ocho caso pendiente ainda pa e resultado di e testnan drenta.<\/p>\n

Mirando e situacion aki minister Besaril a haci un apelacion riba e studiantenan pa ta alerta y evita pa tin contacto mientras cu ta bin claridad si nan tin of no tin contaminacion cu e virus. \u2018Nos ta pidi nan pa mantene nan mes na e reglanan di RIVM pa nan cuminsa usa mondkapjes y cu nan evita lugarnan cera.\u2019<\/p>\n

Minister Besaril a bisa tambe cu e tabata tin contacto cu minister di Salubridad di Aruba Dangui Oduber. \u2018DVG lo bai sigi escaleer e y trece pa RIVM y nos ta bai ta den contacto cu tanto RIVM y e GGD\u2019s nan pa mira kico ta e siguiente pasonan cu e autoridadnan aki na Hulanda lo bai tuma den e caso aki. Mi por garantisa Aruba cu nos ta \u201con top of the situacion\u201d. Nos ta cu nos hobennan; nos ta atende cu nan y nos ta bezig ta haciendo todo lo posibel pa e mayornan cu a expresa nan preocupacion pa nan sinti nan cu con cu bai bin: bo yui ta den bon man; bom yui ta wordo atendi cune y nos di Arubahuis tin un compromiso cu nos no laga nos yuinan di tera, den e caso aki e grupo di 2020 pa nan cuenta,\u2019 asina Minister Besaril a bisa.<\/p>\n

Algun di nan a haci un test caba y otronan lo haci esaki den transcurso di awe of mayan. Despues nos mester spera y mira kico e resultado na momento cu esaki bira conoci.\u2019 Esaki Minister Plenipotenciario Guillfred Besaril a bisa awe mainta durante di un conferencia di prensa live desde Hulanda. E mandatario a sigi bisa cu lo tuma tur e medidanan di precuacion necesario pa e studiantenan bay haci nan test. Besaril: \u2018Te awor aki no tin ningun caso ainda di esnan cu a bay test y cu esaki a sali positivo. E resultado di e test ta dura entre 24 y 48 ora.\u2019<\/p>\n

\n

6 di augustus 2020<\/h3>\n

Den Haag \u2013 Arubahuis ta confrontando un situacion cu den e gruponan di studiante cu a yega entre diadomingo y diamars Hulanda, tin ocho studiante cu ta experencia sintoma di covid-19.<\/p>\n

Minister Besaril a repasa riba algun pregunta cu e drenta na Arubahuis via di prensa. \u2018Pa motibo di privacidad aki na Hulanda no por bisa di cual ciudad e studiantenan ta. Nan tin nan buddy pa yuda nan, nan ta den cuarantaine y nan mentor tin contacto directo cu nan. Despues e mentor ta pone e coordinador di onderwijs di Arubahuis na altura y asina aki nos sa con ta bayendo cu e hobennan aki. Nos tin un sistema cu a keda implementa ayera cu cada cuater ora ta informa con ta bayendo cu e studiantenan y asina nos tin un bon bista riba nan situacion..<\/p>\n

Coordinador di Onderwijs na Arubahuis James van der Linde a bisa cu Arubahuis (pa medio di mentoren) ta den contacto estrecho cu e studiantenan pa duna informacion, conseho y e asistencia necesario. Pa e studiantenan cu no tin mayor of famia na Hulanda Arubahuis\/mentoren ta bezig ta asisti e studiantenan aki cu tur necesidad. Pa studiantenan cu nan camber a bin muebla ta asisti cu boodschappen y cuminda. Pa studiantenan cu nan camber no a bin muebla a asisti lo esencial pa nan por tin caminda di drumi, cuminda y wifi pa bin den contacto cu nan. Pa studiantenan cu ta den quaraintane cerca famia e famia ta bezig ta asisti nan cu e necesidadnan. E mentor ta den contacto cu studiante y famia.<\/p>\n

Pa e demas studiantenan ta bezig ta monitor e salud hopi di cerca. Den palabracion cu e mentornan lo organisa contacto\/encuentro online cu studiantenan despues di opvang pa sigui guia nan y asisti nan unda cu tin mester.<\/p>\n

Pa loke ta test sr. Van der Linde a bisa cu no tin gasto pa e test via di GGD den caso cu meldo via di e number special den caso di symptomanan. Tambe cu tur studiante cu Arubalening ta sigura den caso cu tin gastonan medico cu mester wordo haci.<\/p>\n

Finalmente Minister Besaril a bisa cu asina cu haya mas informacion Arubahuis lo bin cu un conferencia di prensa pa duna mas informacion actual di e situacion cu covid 19 bou di e grupo di studiante cu a yega e siman aki Hulanda.<\/p>\n

\n

Info \/ Contact<\/h3>\n