Banco Central di Aruba (CBA) ta informa cu studiantenan cu ta bay studia den exterior cu un Arubalening y cu ricibi e placa pa estudio riba nan cuenta local, por transferi esaki pa nan mesun cuenta bancario den exterior.<\/p>\n
<\/p>\n
Banco Central di Aruba a saca un declaracion relaciona cu e restriccion cu tin actualmente pa transferencia di sumanan grandi di placa. Awo cu tin un grupo grandi di studiante cu ta bay studia den exterior, tin excepcion haci pa e grupo di studiante aki. E ta un decision cu Banco Central di Aruba a tuma e siman aki.<\/p>\n
CBA ya caba a informa banconan comercial na Aruba cu e restriccion di divisas no ta valido pa studiantenan cu ta bay studia den exterior y cu ta ricibi un \u201cstudielening\u201d (Arubalening) di pais Aruba. Esaki ta nifica cu e studiantenan aki cu ricibi e placa pa estudio riba nan cuenta local, por transferi esaki pa nan mesun cuenta bancario den exterior.<\/p>\n
Por corda ainda cu a consecuencia di e pandemia COVID-19 dese 17 di maart ultimo a tuma diferente medida pa protege e reserva di divisas. E medidanan aki tin como meta pa garantisa e \u201ckoppeling\u201d di Florin na e Dollar. A consecuencia di esaki, no ta permiti pa transferi placa for di bo mesun cuenta na Aruba pa un cuenta di bo den exterior, te proximo aviso.<\/p>\n
Fiansa pa estudio otorga door di Pais Aruba, ta wordo deposita riba un cuenta di e studiante di un banco comercial na Aruba. E prestamonan aki tin como intencion pa cubri e gastonan di bida y estudio den exterior. Pues ta necesario cu e studiantenan por transferi e placa aki pa e pais unda nan ta bay studia.<\/p>\n
Studiantenan cu ta bay sigui nan estudio den exterior for di e momento ey no ta un habitante na Aruba mas. CBA a informa e banconan comercial na Aruba pa e motibo ey cu studiantenan cu un Fiansa pa Estudio cu ta bay studia den exterior, ta exonera di e restriccion di divisas.<\/p>\n
E resto di reglanan introduci dia 17 di maart ultimo den e areglo aki ta keda valido.<\/p>\n