{"id":24031,"date":"2019-12-01T09:00:41","date_gmt":"2019-12-01T13:00:41","guid":{"rendered":"http:\/\/www.ea.aw\/pages\/?p=24031"},"modified":"2021-10-09T15:31:28","modified_gmt":"2021-10-09T19:31:28","slug":"fundacion-educador-consciente-aruba-a-wordo-lansa","status":"publish","type":"post","link":"https:\/\/www.ea.aw\/pages\/fundacion-educador-consciente-aruba-a-wordo-lansa\/","title":{"rendered":"Fundacion Educador Consciente Aruba a wordo lansa"},"content":{"rendered":"

Recientemente durante e siman di e tercer edicion di e evento internacional di Conscious Discipline na Aruba yama Conscious Discipline Summer Institute (CD1), e organizacion nobo yama Fundacion Educador Consciente Aruba (\u201cFECA\u201d) a wordo lansa.<\/p>\n

<\/p>\n

\n

\"\"<\/p>\n

\n

FECA a wordo introduci na Aruba pa sigui cu e trabou cu Develop to Grow ta bin ta hasi pa 13 a\u00f1a y semper cu inmenso sosten di publico en general. FECA a wordo lanta cu mira riba e profesionalisacion di e servicio di brinda e programa Conscious Discipline na Aruba y region di Caribe riba un base non-profit.<\/p>\n

FECA ta consisti di un team dinamico cu durante e ultimo a\u00f1anan a forma conocimento substancial y abilidadnan importante encuanto e programa di Conscious Discipline.<\/p>\n

E meta di e programa di Conscious Discipline ta pa desaroya e inteligencia emocional cerca adultonan pa asina nan por sinja abilidadnan social y emocional cu ta esencial den nos muchanan.<\/p>\n

Durante e siman di CD1, Aruba tabata un biaha mas e plataforma den region pa trece hendenan hunto cu ta eherce y kier profesionalisa e uso di Conscious Discipline. Aruba ta e prome pais den Caribe cu a introduci e programa di Conscious Discipline den region y ta lidera e movimento aki den region.<\/p>\n

Durante CD1, Aruba ta host e evento internacional unda localnan y bishitantenan ta experiencia durante un siman diferente trainingen y breakout sessions cu ta yuda desaroya participantenan cu ta eherce Conscious Discipline den nan bida diario y trabou.<\/p>\n

Al momento FECA tin 4 instructor certifica cu ta duna training. Tambe tin 15 voluntario cu ta yuda cu promove Conscious Discipline y organisa eventonan den region di Caribe.<\/p>\n

Awor cu FECA a wordo lansa, e directiva y voluntarionan lo sigui cu e trabou importante y interesante pa Aruba y e region di Caribe.<\/p>\n

E meta di FECA ta pa contribui na e bienestar di nos comunidad door di ofrece tur educadornan \u2013 sea mayornan, cuidadornan, docentenan, hendenan cu ta traha cu mucha \u2013 e oportunidad pa rekeri conocimento y herment pa anda cu problemanan social-emocional.<\/p>\n

Awendia hopi mayor y otro educadornan di mucha tin hopi pregunta con pa educa y guia muchanan pa nan scucha miho, ta mas motiva, por anda cu nan emocionan y cumpli cu regla. Conscious Discipline ta un metodo cu ta yuda e adulto pa ta mas exitoso den su educacion.<\/p>\n

\n

Info \/ Contact<\/span><\/h3>\n

Pa mas informacion por busca\u00a0[D] Disciplina Consciente of [C] Conscious Discipline<\/a>\u00a0den e alfabet menu riba nos homepage of tuma contacto cu:<\/p>\n