![\"\"](\"https:\/\/www.ea.aw\/pages\/wp-content\/uploads\/2020\/05\/nini-02-youtube.jpg\")
<\/p>\nPlayhouse Entertainment ta crea animacionnan digital y material educativo y dibertido na Papiamento pa mucha (0-6 a\u00f1a) pa yuda enrikece nos cultura y idioma, como curasha momentonan dibertido y sano pa henter famia.<\/p>\n
<\/p>\n
Awendia nos muchanan ta wordo confronta constantemente cu medianan digital di entretenimento online manera \u201cYoutube\u201d of \u201cNetflix\u201d na unda tur e programanan ta generalmente na e idioma ingles. Manera tambe por ripara, ingles a bira e idioma di comunicacion popular entre e muchanan.<\/p>\n
Tambe door di tur e media nobo nan aki, muchanan ta lesando cada biaha menos y si e muchanan of mayornan kier scoge pa stimula e lesamento mes, e material na nos mesun idioma ta scars. Specialmente pa mucha chikito bou di 5 a\u00f1a.<\/p>\n
Cu ayudo di Unoca y Fundacion Lanta Papiamento, sra. Jessica van Montfoort-Posner y su casa Marald van Montfoort a bin cu un concepto nobo na unda nan a traha un buki duru di carton na Papiamento pa mucha chikito entre 0-5 a\u00f1a cu ta protagonisa un hara\u00f1a bi\u00f1a cu yama \u201cNini\u201d. Tambe nan a traha animacionnan digital na Papiamento riba \u201cyoutube\u201d cual ta si\u00f1a e muchanan conta, colornan, bestianan, nos canticanan pa mucha y hopi mas na nos idioma Papiamento den un manera innovativo y dibertido.<\/p>\n
<\/p>\n
\u201cComo mayor di dos yiu di edad di 2 y 4 a\u00f1a semper nos tabata asombra di con nan a si\u00f1a forma, color, conta etcetera na ingles door di programanan riba Youtube y nos a pensa, esaki ta algo cu nos mester tin na Papiamento tambe!\u201d<\/em>\u00a0Asina sra. Jessica ta commenta.<\/p>\n \u201cDi nos mesun experiencia como mayor, nos a si\u00f1a cu tin dos manera esencial pa mucha por si\u00f1a un idioma na un manera dibertido. Bo tin e manera \u201coffline\u201d, cual ta cu buki y ilustracionnan y bo tin e manera \u201conline\u201d interactivo cu awendia ta cambiando e mundo di entretenemento y educacion. Asina mes nos a ripara cu ta hopi importante pa ofrece esakinan na e muchanan den un balans sano.\u201d<\/em>\u00a0Jessica ta continua.<\/p>\n Jessica ta splica cu di eynan nan iniciativa a bin pa trece un buki (bukinan) y metodonan audiovisual riba mercado pa enrikece e Papiamento di nos muchanan.<\/p>\n \u201cDoor di si\u00f1a conoce e caricaturanan digital e muchanan ta reacciona den un manera hopi positivo riba e buki tambe. Pa nan e ta ha\u00f1a bida y asina tambe ta pushanan pa nan kier sa mas di e caricaturanan cu nan ta wak riba Youtube y ta curasha nan gusta e buki mas\u201d<\/em>\u00a0Jessica ta splica.<\/p>\n Jessica tambe ta enfatisa riba e hecho cu e lesamento cu e muchanan ta crea un momento special cu mayornan por comparti cu nan yiunan y asina engrandece e relacion como famia.<\/p>\n Pa esunan cu ta interesa nan por bishita e canal di youtube via bit.ly\/funwithnini of busca funwithnini den den youtube:<\/p>\n
![\"\"](\"https:\/\/www.ea.aw\/pages\/wp-content\/uploads\/2020\/05\/nini-01.jpg\")
<\/p>\n