{"id":21290,"date":"2013-05-15T16:24:45","date_gmt":"2013-05-15T20:24:45","guid":{"rendered":"http:\/\/www.ea.aw\/pages\/?p=21290"},"modified":"2021-10-09T15:52:01","modified_gmt":"2021-10-09T19:52:01","slug":"connection-is-cooperation","status":"publish","type":"post","link":"https:\/\/www.ea.aw\/pages\/connection-is-cooperation\/","title":{"rendered":"\u201cConnection is Cooperation\u201d"},"content":{"rendered":"

Dianan 23 y 24 di april 2013 a tuma luga pa di cuater biaha e workshop \u201cConnection is Cooperation\u201d <\/span>di\u00a0Disciplina Consciente<\/span>\u00a0na Aruba.\u00a0Jill Molli<\/span>\u00a0di\u00a0Loving Guidance<\/span> na un manera dinamico a duna e workshop aki na 200 maestro di scol primario.<\/p>\n

<\/p>\n

E parti organisatorio tabata den man di Develop to Grow<\/span>\u00a0y tabata financia pa\u00a0Ministerio di Educacion y Husticia<\/span>. Esaki tabata di 4 biaha cu e workshop aki a wordo duna na Aruba y en total mas cu 850 hende di cual gran mayoria di maestronan di kleuterschool y scol basico\u00a0 a asisti na e workshop aki.<\/p>\n

\n

Disciplina Consciente<\/span><\/h3>\n

Riba e prome dia Jill<\/span>\u00a0a duna splicacion amplio di e base di\u00a0Disciplina Consciente<\/span>. Den e palabranan di\u00a0dr. Becky Bailey<\/span>, e desaroyado di\u00a0Disciplina Consciente<\/span>:\u00a0\u201cDisciplina no ta algo cu bo ta haci cu mucha, pero e ta algo cu bo ta desaroya den mucha.\u201d<\/span><\/p>\n

Aki a splica primordialmente con e cerebro ta funciona y e importancia di e desaroyo social emocional pa e ser humano. Esaki a sosode a base di splicacion, diferente ehercicio di reflexion y movecion.<\/p>\n

Durante e dia\u00a0Jill<\/span>\u00a0mes a modela diferente di e habilidadnan cu\u00a0Disciplina Consciente<\/span>\u00a0ta presenta. E maestro\u00a0 a haya oportunidad pa pensa riba su propio emocionnan; con e ta anda awor cu su propio emocionnan y con e por anda cu nan den futuro na un manera mas satisfactorio.<\/p>\n

\n

Disciplina Consciente den klas<\/span><\/h3>\n

Riba e di dos dia a presenta e diferente structuranan di\u00a0Disciplina Consciente<\/span>\u00a0cu ta sostene e maestro den su maneho di klas\u00a0 trahando cu su muchanan na e 7 habilidadnan di\u00a0Disciplina Consciente<\/span>.\u00a0 E mensahe cardinal ta pa haci uzo di conflicto diario pa educa e alumnonan den e 7 habilidadnan social emocional.<\/p>\n

Riba cada dia un cabesante y un maestro di un scol cu a cuminsa introduci\u00a0Disciplina Consciente<\/span>\u00a0a comparti nan experencia cu e participantenan. E punto comun di tur dos scol ta cu e ta un proceso cu mester haya espacio y atencion specifico, pero cu poniendo e prome stapnan caba bo por mira un diferencia tanto den comportacion di e muchanan como cerca e maestronan.<\/p>\n

\n

Importancia di sosten<\/span><\/h3>\n

Na final di e di dos dianan,\u00a0Jill<\/span>\u00a0a trece dilanti e importancia di sosten pa e teamnan cu kier bay traha structuralmente na introduccion di\u00a0Disciplina Consciente<\/span>\u00a0den nan scol. Rol di cabesante, maestro y guia a bini den spotlight.<\/p>\n

Pa scolnan cu ta desea follow up riba e dos dianan aki di workshop lo tin den proximo a\u00f1a escolar netwerk di\u00a0Disciplina Consciente<\/span>\u00a0organisa of sosteni pa\u00a0Seccion Guia<\/span>\u00a0di\u00a0Departamento di Ense\u00f1ansa Aruba (DEA)<\/span>. Tambe scol cu ta desea por contact\u00a0Seccion Guia<\/span>\u00a0di\u00a0DEA<\/span>\u00a0of\u00a0Develop to Grow<\/span>\u00a0pa un workshop cu por sostene nan den introduccion di\u00a0Disciplina Consciente<\/span>\u00a0na nan scol.<\/p>\n

\n

Info \/ Contact<\/span><\/h3>\n

Pa mas informacion por busca [D] Disciplina Consciente of [C] Conscious Discipline<\/a> den e alfabet menu riba nos homepage of tuma contacto cu:<\/p>\n