![\"\"](\"https:\/\/www.ea.aw\/pages\/wp-content\/uploads\/2018\/05\/SAM-29-mei_300.jpg\")
<\/p>\nA\u00f1a escolar 2019-2020 ta uno historico pa e sistema di ense\u00f1ansa di Aruba, mirando cu Scol Arubano Multilingual (SAM) lo cuminsa na nivel nacional den tur scol preparatorio ariba nos isla.<\/p>\n
<\/p>\n
<\/p>\n
Ya pa hopi decada tin discusionnan ta tuma luga tocante calidad di nos ense\u00f1ansa na Aruba. Den tur e discusionnan aki un di e condicionnan principal cu a identifica pa por logra hisa e nivel y e resultado di ense\u00f1ansa ta un maneho nobo di idioma.<\/p>\n
Mayoria di e discusionnan aki a enfoca riba e escogencia di idioma di instruccion y a trata na contesta cua idioma lo mester uza den scol: si ta Papiamento of si ta Hulandes.\u00a0 E dilema aki ta sali for di e punto di bista cu den scol lo mester uza un idioma so y cu consecuentemente nos lo mester scoge cua idioma pa uza den scol.<\/p>\n
Na a\u00f1a 2012 a cuminsa cu e Proyecto Scol Multilingual. Manera e palabra \u201cmultilingual\u201d mes ta bisa: \u201cmulti\u201d ta \u201cmas cu un\u201d y \u201clengua\u201d ta \u201cidioma\u201d.<\/p>\n
Pues un scol multilingual ta un scol cu ta uza y cu ta ofrece mas cu un idioma den scol y den klas. E bunita di e scol multilingual ta cu desde un principio a scoge pa un punto di bista den cua na scol no ta uza un idioma so, pero ta haci uzo di mas cu un idioma. For di e punto di bista aki no ta discuti mas tocante si ta scoge Papiamento of Hulandes of Ingles, pero a scoge pa dise\u00f1a un scol den cua tin un luga,\u00a0 un funcion y un rol pa tur e cuater idiomanan cu mas nos ta topa den nos comunidad aki na Aruba.<\/p>\n
Den e scol multilingual e mucha ta si\u00f1a Papiamento, Hulandes, Ingles y Spa\u00f1o, desde kleuter caba. Ademas di si\u00f1a e idiomanan, e muchanan ta uza e cuater idiomanan aki pa nan si\u00f1amento tambe di e otro materianan. Pasobra mucha ta bin scol pa si\u00f1a. Nan no ta bin pa nan si\u00f1a idioma so of pa si\u00f1a UN idioma so. Nan ta bin pa nan si\u00f1a tocante mundo. Nan ta bin pa nan si\u00f1a descubri nan mes y nan potencialnan. Nan ta bin pa nan si\u00f1a mas tocante e herencia cu anos como adulto y nos grandinan tin pa comparti cu nan, tocante nos naturalesa, nos artesania, nos custumbernan, nos cultura y nos forma di mira mundo. Alabes nan ta bin pa nan si\u00f1a expresa nan mes y pa nan si\u00f1a anda cu nan emocionnan y biba bon cu otro.<\/p>\n
Resumiendo nos por constata cu comunidad en general tin un rol hopi importante pa yuda crea e ense\u00f1ansa nobo aki cu e alumnonan di Aruba merece. Un ense\u00f1ansa den cua nan por demostra nan potencial y nan por\u00a0 experiencia exito. Un ense\u00f1ansa den cua nan maestronan ta si\u00f1a hunto cu nan y den cua e maestronan tambe ta aplica nan habilidadnan moderno. Un ense\u00f1ansa pues den cua e alumnonan y e maestronan ta traha hunto na un futuro exitoso pa nan mes y pa nos comunidad en general.<\/p>\n
Departamento di Ense\u00f1ansa Aruba (DEA) kier a tuma e oportunidad aki pa yama Aruba pabien cu e logro historico aki!<\/p>\n