![\"\"](\"https:\/\/www.ea.aw\/pages\/wp-content\/uploads\/2018\/05\/SAM-29-mei_300.jpg\")
<\/p>\nPronto Aruba lo conoce un cambio den su sistema di ense\u00f1ansa. Ta trata di implementacion di Scol Arubano Multilingual (SAM) den tur scol preparatorio y basico na Aruba. Nos idioma materno Papiamento lo haya un luga CENTRAL den ense\u00f1ansa di Aruba.<\/p>\n
<\/p>\n
<\/p>\n
Mirando cu den pasado mayoria di nos no a haya les di Papiamento na scol, maske Papiamento ta nos idioma materno, hopi di nos no por domina gramatica ni\/of ortografia di Papiamento manera mester ta, como tampoco su vocabulario.<\/p>\n
Awendia tin diferente material cu nos, como ciudadano, por\u00a0 uza\u00a0 pa educa\/si\u00f1a nos mes con pa haci uzo di Papiamento corectamente.<\/p>\n
Den e caso aki ta trata tanto di ortografia como di gramatica. Docente Maureen Luidens MEd ta recomenda pa ortografia e buki Vocabulario Ortografico di Papiamento, miho conoci como e Buki Blauw. Pa gramatica e ta recomenda pa uza e bukinan di Gramatica di Papiamento di Departamento di Ense\u00f1ansa, tanto esun di Morfologia como esun di Sintaxis.<\/p>\n
Den e buki \u201cVocabulario Ortografico di Papiamento\u201d bo ta haya mas di 17.000 palabra skirbi segun e reglanan describi den e map \u201cOrtografia di Papiamento\u201d. Alabes ta inclui den e buki un resumen di e reglanan di ortografia menciona. E buki aki ta un instrumento practico pa uzo diario y ta util pa tur hende. E reglanan describi den e map \u201cOrtografia di Papiamento\u201d conhuntamente cu e lista di palabra den e Buki Blauw a keda aproba oficialmente pa Parlamento di Aruba na 2018.<\/p>\n
Pa medio di estudio di e dos bukinan \u201cManual di Gramatica di Papiamento\u201d, Morfologia y Sintaxis, bo ta haya un bon conocemento di Gramatica di Papiamento. E bukinan aki ta trata respectivamente categoria di palabra y structura di frase den Papiamento.<\/p>\n
Studiando e tres bukinan menciona e lesado por perfecciona su conocemento di e reglanan di e idioma cu e ta uza como vehiculo di comunicacion, di pensamento y di expresion artistico.\u00a0 E bukinan menciona ta yuda e lesado conoce e reglanan di e idioma na un manera eficiente y lihe, pues nan ta util pa tur persona. Fuera di conocemento di e reglanan di ortografia y di gramatica, ta masha importante pa lesa masha hopi texto na Papiamento (buki, revista, corant, etc.) pa por desaroya un miho conocemento di e uzo practico di tur dia.<\/p>\n
![\"\"](\"https:\/\/www.ea.aw\/pages\/wp-content\/uploads\/2019\/05\/bukinan_papiamento.jpg\")
<\/p>\n
Uza Papiamento corectamente no ta facil, pasobra generalmente mayoria di nos pueblo no a hay\u2019e na scol pa sigui desaroy\u2019e. Algun tip pa desaroya Papiamento den corto tempo, segun Sra. Luidens, ta pa si\u00f1a tiki tiki e uzo di Papiamento y pone esaki den practica di biaha. Tambe e ta conseha pa focus riba un parti specifico di e uzo di Papiamento. \u201cSea consciente ora di papia y skirbi Papiamento pa coregi bo mes\u201d.<\/p>\n