![\"\"](\"https:\/\/www.ea.aw\/pages\/wp-content\/uploads\/2018\/07\/Bijeenkomst-POC001.jpg\")
<\/p>\nDen Haag \u2013 Na Cas di Aruba (Arubahuis) a tuma luga un encuentro informal cu e miembronan di e Plaatselijke Opvangcommissies (POC).<\/p>\n
<\/p>\n
E POC ta consisti di studiantenan di Aruba cu ya caba ta studiando na Hulanda y cu conhuntamente cu e studiementor ta organisa e opvang pa e grupo di studiante cu ta biniendo Hulanda pa cuminsa cu nan estudio. Cas di Aruba tin gratitud grandi pa e trabou di e POC den opvang di studiante.<\/p>\n
Coordinador di e afdeling Onderwijs di Cas di Aruba James van der Linde a yama e miembronan di e POC nan y e studiementornan bonbini y a bisa di ta contento cu hopi miembro di e POC a acepta e invitacion.<\/p>\n
Van de Linde\u00a0a anuncia cu e a\u00f1a aki lo tin un solo vuelo for di Aruba y cu esaki lo yega riba diadomingo 5 di augustus cu 170 studiante abordo. Tin algun studiante cu ya caba a bin Hulanda, of cu lo yega prome of despues di e grupo grandi di 5 di augustus. \u2018Pa Cas di Aruba esaki ta hopi mas eficiente, y tambe pa e POC nan ta hopi bon, ya cu dialuna 6 di augustus por cuminsa cu e
\nprograma di opvang,\u2019 asina van der Linde a bisa.<\/p>\n
Finalmente James van der Linde a haci un apelacion grandi riba e studiantenan presente pa participa den e Studentscampaign di Arubahuis pa manda nan videonan cu tipsnan pa e studiantenan cu ta preparando pa bin Hulanda.<\/p>\n
![\"\"](\"https:\/\/www.ea.aw\/pages\/wp-content\/uploads\/2018\/07\/Bijeenkomst-POC002.jpg\")
<\/p>\n
Minister Plenipotenciario Guillfred Besaril mescos cu James van der Linde a acentua den su discurso e trabou importante cu e POC tin pa cu e grupo di studiante cu ta yega Hulanda. E mandatario a para keto na e preparacion cu e studiante mester haya prome cu e bin Hulanda. \u2018Pesey nos di Cas di Aruba a bay na juni ultimo pa duna informacion na e studiantenan cu a slaag y a scoge pa bin Hulanda. Esaki ta eigenlijk e di dos paso den e trayecto. E prome paso mester ta na november of cuminsamento di december \u2013 prome cu e studiante scoge ki estudio e kier bay haci \u2013 pa duna informacion na Aruba riba e posibilidadnan y diversidad di estudionan. Pero primordial ta cu nos mester prepara nos studiantenan riba profesionan cu Aruba mester di dje. Ta importante pa bin cu un planificacion pa e siguiente 5 of 10 a\u00f1a. Asina aki e studiante por scoge un estudio, na unda e posiblidad pa regresa Aruba y haya un trabou ta hopi mas grandi,\u2019 asina sr.\u00a0Besaril a bisa.<\/p>\n
E mandatario a enfatisa e importancia pa Cas di Aruba traha hunto cu e POC-nan y e studiementornan pa asina trece Cas di Aruba mas cerca di e studiantenan. \u2018Boso tin e ventaha cu boso ta papia e mesun idioma cu e studiantenan y asina comparti boso experencia cu esnan cu ta yega nobo. Hopi di nan no tin e conocemento kico ta e bida di studiante na Hulanda: leu for di bo mayornan, para riba bo mesun pia y regla bo mesun asuntonan. Akinan boso por brinda un man pa guianan den e prome lunanan na Hulanda,\u2019 asina Minister Besaril a bisa.<\/p>\n
![\"\"](\"https:\/\/www.ea.aw\/pages\/wp-content\/uploads\/2018\/07\/Bijeenkomst-POC003.jpg\")
<\/p>\n