![\"\"](\"https:\/\/www.ea.aw\/pages\/wp-content\/uploads\/2017\/12\/das_400.jpg\")
<\/td>\nPor bisa cu Aruba su sistema educacional ta existoso den esaki. Participacion escolar na Aruba ta aproxima 100% na tanto e nivel di scol basico como scol primario. Alfabetisacion ta hopi halto na Aruba. Segun dato di e ultimo Censo, solamente 2.7% di e poblacion no por a lesa ni compronde un frase simpel. Hasta bao di e poblacion di 65 a\u00f1a of mas di edad uno di cada nuebe grandi a ser categorisa inalfabetico. Tambe via e programa di fiansa educacional, e posibilidad pa sigui estudio avansa ta garantisa.<\/p>\n
Sinembargo, e prestacion educacional no ta nada di canta macamba. A base di dato relevante di, entre otro, Oficina Central di Estadistica (CBS) y Departamento di Ense\u00f1ansa Aruba (DEA) ta ilustra esaki siguientemente.<\/p>\n
\n
1<\/h3>\n
Solamente 12% di e poblacion di Aruba na 2010 a obtene un nivel di educacion equivalente of mas halto cu un \u2018Bachelor\/HBO\u2019, di cual apenas algo mas di un tercera parti (36%) a nace na Aruba. Pa compara, Canada como un di e Paisnan mas educa na mundo, na 2012 88% di su poblacion a termina \u2018highschool\u2019 y 51% un diploma riba nivel di \u2018college\u2019 of equivalente.<\/p>\n
\n
2<\/h3>\n
Mientras cu 39% di e poblacion total di Aruba na 2010 tin un educacion na nivel primario of menos, algo mas di cuatro di cada dies (42%) di e poblacion di hobennan (15-24 a\u00f1a di edad) cu no tabata bay scol, no a termina ningun tipo de educacion secundario, segun dato di Censo 2010. E proporcion aki tabata 36% durante e Censo di 2000. Esaki ta un problema di cohort ya cu tur e categorianan di edad te cu 55 a\u00f1a tabata tin un proporcion mas halto di persona cu un nivel di educacion secundario of mas halto.<\/p>\n
\n
3<\/h3>\n
Aruba su porcentaha di studiantenan cu ta keda sinta ta relativamente halto. Un di cada cinco mucha homber y 18% di mucha muher a keda sinta den e prome grado di e scol basico na 2011. \u00a0Pa e a\u00f1anan academico entre 2011 y 2014 e rate promedio di studiantenan cu ta keda sinta na scol primario tabata 13.1% bao di mucha hombre y 8.9%\u00a0 bao di e muchanan muhe. Ta nota cu e rate menciona ta mas halto den realidad ya cu un porcentahe notabel di studiantenan ta bay over pa motibo di edad. Principalmente den e ultimo a\u00f1anan di nivel primario (klas 5 pa klas 6) esaki ta relativamente halto: un averahe di + 17% bao di mucha homber y 9% bao di mucha muhe durante e a\u00f1a nan escolar di 2011 pa 2014.<\/p>\n
\n
4<\/h3>\n
Consecuentemente, si na Hulanda despues di dos a\u00f1a di educacion preparatorio basico despues di zesde klas (\u2018regulier voortgezet onderwijs\u2019) na 2014, 43% di studiantenan ta stroom door pa e trayecto di HAVO\/VWO, na Aruba na 2015, apenas 16.6% di e studiantenan di klas 6 na Aruba a ser promovi pa e trayecto HAVO\/VWO na 2014.<\/p>\n
\n
5<\/h3>\n
E resultado di examen na scolnan secundario tambe ta ser considera no satisfactorio. Si nos coy e periodo di 2006-2013 como ilustracion, aproximadamente un di cada cuatro studiante di MAVO (25%) y VWO (27%) y casi un tercera parti di e studiantenan di HAVO (35%) y EPI (37%) no a gradua. EPB tabata tin e promedio mas halto di e rate di graduacion cu 79% pa e periodo bao di revision. Tur esaki ta iguala na un desperdicio notabel di recurso financiero y humano.<\/p>\n
\n
6<\/h3>\n
E lenguahe materno y despues y nivel di educacion di mayornan, ta e factornan mas determinante den prestacion na scol. Ta un hecho cu esnan cu ta papia Hulandes na cas ta keda sinta notabelmente menos y tin mas probabilidad pa bay HAVO\/VWO. E hecho aki ta promove sistematicamente desigualdad social. Nivel abao di educacion ta corelaciona cu salario abao y nivel halto di desempleo.<\/p>\n
\n
Por argumenta cu e resultadonan desapuntantenan aki pa cu prestacion educacional no ta soprendente y hasta uno logico. Considerando cu Hulandes ta e lenguahe di instruccion y e metodo vigente ta sali afor cu e muchanan ora nan yega eerste klas tin ya seis a\u00f1a ta scuchando, papiando y interacionando den Hulandes. No tin nada menos berdad!<\/p>\n
Scuchando y papiando un di dos lenguahe diariamente mes, ta dura un minimo di dos pa cuatro a\u00f1a pa un persona por funciona socialmente den e di dos lenguahe y ta dura en averahe seis a\u00f1a pa por funciona academicamente den un otro idioma cu no ta esun materno.<\/p>\n
Den otro palabra, nos sistema educacional ta dise\u00f1a pa sirbi meramente e 6 porciento di e studiantenan na scolnan basico cu tabata tin Hulandes como lengua materno na momento di Censo 2010.<\/p>\n
A base di experiencia y practica internacional UNESCO ta indica cu un porcentahe halto di muchanan cu ta keda sinta ta indicativo di un problema structural den e sistema educacional. Esaki ta indicacion cu probablemente e calidad y\/of relevancia di e instruccion y\/of e calidad y relevancia di e contenido di educacion no ta adecuado, ni adapta na e realidad cultural y social.<\/p>\n
Despues di practicamente dos siglo di Hulandes como idioma di instruccion na Aruba, mester por para keto, refleha y considera alternativa pa logra mihor prestacion educacional bou tur grupo den nos sociedad. Nos tin e responsabilidad di duna e generacionnan di futuro un oportunidad real pa por yega na desaroya nan potencial humano.<\/p>\n
\n