Buscando un topico?
Mustra tur topico

Papiamento


Idioma oficial di Aruba

Dia 21 di mei 2003, Parlamento di Aruba a aproba e ley di idioma oficial. Esaki ta encera cu pa prome biaha den historia di Aruba, Papiamento y Hulandes a bira idioma oficial.

> LV Papiamento

Prome cu esey ningun di nan dos no tabata oficial na Aruba. Na Hulanda mes Hulandes a bira oficial na 1995. Na Corsou cu Boneiro, Papiamento a bira oficial 4 aña despues, esta na 2007.

Den e añanan cu a sigui a haci hopi trabou respecto Papiamento tanto como materia den enseñansa como e idioma nacional.

 

Papiamento den Enseñansa

Historia

Na mayoria di e scolnan catolico, enseñansa tabata na Papiamento. E scolnan di gobierno tabata na Hulandes. Rond di aña 1900 a bin ripara na Corsou cu enseñansa, specialmente na Hulandes, no tawata exitoso.

Tabatin hopi discusion tocante e uzo di idioma di instruccion na scol. Varios maestro, pastoor, y tambe parlamentario Hulandes, tabata propaga Papiamento como idioma di instruccion.

Tabatin varios proposicion pa enseñansa bilingual tambe. E proposicion di Hamelberg na aña 1897, tabata pa duna enseñansa na Papiamento prome, y duna les di Hulandes via Papiamento den e dos klasnan mas halto. E tabata di opinion cu e muchanan mester siña lesa y skirbi bon den nan propio idioma, prome cu nan por siña un idioma straño.

Despues di varios aña di discusion, e ordenansa di 1935 a drenta na vigor. Pa e scolnan na e islanan ABC bin na remarke pa subsidio di gobierno, nan mester a cuminsa uza Hulandes como unico idioma di instruccion. Esaki a pone cu enseñansa na Papiamento tambe a yega na su final e tempo ey.


Desaroyo

Awendia, e situacion ta un tiki diferente. Despues di varios decada, Papiamento a bolbe den scol.

Despues di a ofrece varios estudio di Papiamento Grado Tres, na augustus 2002 a cuminsa cu un estudio di Papiamento Grado Dos na Instituto Pedagogico Arubano (IPA). Aki varios persona a haya formacion como docente di Papiamento.

Despues cu e grupo aki a caba cu exito a sigui un estudio di Bachelor Papiamento. Actualmente tin un grupo di docente di Papiamento a caba Master in Education, Language and Literature of Papiamento na University of Curacao cu a inicia na september 2013.

Na augustus 2003, Papiamento a drenta enseñansa secundario EPBMAVOHAVO klas 1-2-3, VWO klas 1-2-3 y enseñansa avansa profesional EPIIPAPapiamento como materia ta sosteni principalmente pa e metodo didactico "Cristal".

E siguiente aña escolar nobo 2015-2016, Papiamento lo sigui como materia den HAVOVWO klas 4 y consecuentemente te final pa bira un materia di examen.


Proyecto Scol Multilingual

Otro desaroyo den Enseñansa rond idioma Papiamento ta e Proyecto Scol Multilingual cu a keda implementa na augustus 2008 na scol preparatorio piloto. Actualmente Papiamento tanto como lenga di instruccion como materia hunto cu Hulandes, InglesSpaño ta den klas 3 di enseñansa basico den 2 scol basico piloto.

 

Material di Referencia

> Regla di Ortografia di Papiamento, version april 2009 (PDF)

> Lista di Palabra na Papiamento

> Mas informacion tocante Ortografia di Papiamento

 

Mas informacion: Website Papiamento.aw

Na aña 2007 Departamento di Enseñansa Aruba a lansa e website papiamento.awE website ta un producto di e proyecto di promocion "Nos idioma ta den bo man. Papiamento, cuid'e!", financia pa Fondo Desaroyo Aruba (FDA).

E website ta contene informacion di origen, historia y desaroyo di idioma Papiamento, por lesa diferente articulo general y cientifico, por haya lista di buki y diccionario, como tambe regla di gramatica y ortografia di Papiamento.


 

Noticia

22.04.17 Publicacion di "Manual di Gramatica di Papiamento - Sintaxis"
13.11.15 Charla na UA tocante "Un ortografia uniforme pa Papiamento ta factibel?"
21.05.15 12 aña di Oficialisacion di Papiamento
16.03.15 Vocabulario Ortografico di Papiamento (Buki Blauw) obtenibel na librerianan local
19.04.14 OCW - Engels wordt enige instructietaal op scholen Sint Eustatius
16.05.13 Nederlands als Vreemde Taal in het Caribisch gebied
21.02.13 E Scol Multilingual
20.02.13 UNESCO: Books for Mother Tongue Education
17.08.12 Proyecto Scol Multilingual ta drenta Scol Basico
01.12.11 Prome Manual di Gramatica di Papiamento

 

Info / Contact
DEA (Proyecto Idioma den Enseñansa) |  Papiamento.aw