World Teachers’ Day 2020

October 5, 2020

Desde aña 1994 ta celebra “World Teachers’ Day” riba dia 5 di october. Un fecha asigna pa promove e profesion Maestro di Scol y pone atencion na su rol esencial pa provee enseñansa di calidad riba tur nivel, segun UNESCO y Education International.



Entre e Metanan Mundial pa un Desaroyo Sostenible, “SDG” 4 ta trata Enseñansa di Calidad, y e meta specifico (SDG 4.c) ta reconoce e maestro como yabi importante pa logra e “Education 2030 agenda”.  “World Teachers’ Day” ta e ocasion pa marca progreso y refleha riba maneranan pa contraresta e retonan pendiente pa promocion di e profesion di e maestro.

Na aña 2020 ta celebra e maestro cu e tema: “Liderando den crisis, reinventando futuro”.

E pandemia di COVID-19 a trece retonan grandi pa sistemanan di enseñansa rond mundo. E no ta exagera pa bisa cu mundo ta na un crusada y cu awor mas cu nunca mester traha hunto cu e maestro pa yuda proteha e derecho di educacion.

E importancia di liderasgo cerca e maestro na momento di un crisis ta fundamental, si wak e esfuersonan cu e maestronan a haci pa brinda enseñansa riba distancia, apoya esnan mas vulnerabel, habri e scolnan bek bou condicionnan dificil y trata na minimalisa e retraso di siñamento.

E discusionnan rond di “World Teachers’ Day” 2020 lo trata e rol di e maestro pa cu resiliencia, esta di mehoracion di nos capacidad pa recupera lihe, como tambe lo trata na duna forma na e futuro di educacion y e profesion maestro. Mas informacion:


Aruba

Na Aruba, al rededor di 1400 Maestro y Docente ta dedica nan mes na enseñansa y educacion di nos yiunan. Un trabou importante y bunita, pero tambe di hopi responsabilidad y cu hopi reto.

Awe, na ocasion di World Teachers’ Day, Departamento di Enseñansa Aruba (DEA) ta uni su mes na organisacionnan rond mundo cu ta celebra, felicita y gradici e Maestronan di Scol pa nan valioso trabou.


Joint Statement UNESCO, International Labour Organization (ILO), UNICEF and Education International:

“In this crisis, teachers have shown, as they have done so often, great leadership and innovation in ensuring that #LearningNeverStops, that no learner is left behind. Around the world, they have worked individually and collectively to find solutions and create new learning environments for their students to allow education to continue. Their role advising on school reopening plans and supporting students with the return to school is just as important.”


Scroll To Top

  • © 2011-2020 Department of Education Aruba (DEA)
  • T +297-528-3400
  • F +297-528-3434
  • info@ea.aw