UA Virtual Open Day
Universidad di Aruba (UA) lo organisa e aña aki un ‘open dag’ virtual diahuebs dia 5 di november, di 6 or di atardi pa 8.30 di anochi. UA ta invita tur futuro studiante, mayor, esnan interesa pa sigui studia, pa registra pa haya mas informacion.
UA ta orguyoso di ofrece seis (6) area principal di concentracion y tambe un Aña Basico Academico (Academic Foundation Year) cu ta permiti e studiantenan di prome aña pa habri ful nan potencial educacional. UA ta ofrece un scala di actividad extra-curicular cu orientacion riba un carera, tutorial y programa cu ta promove salud en general, bienestar y crecemento.
E studiantenan tin oportunidad tambe pa studia den exterior cu nos partnernan global di Erasmus.
Open dag virtual
Durante e ‘open dag’ virtual bo tin oportunidad di para na nos booth di informacion, download foyeto, haya acceso na video y combersa cu nos apreciado facultad.
Nunca e compromiso di UA pa ofrece educacion excepcional y accesibel no a tambalea durante e temponan tumultoso aki. Educacion ta esun cos cu hamas no por kita di bo y nunca no ta laat pa cuminsa. Bin y mira loke bo por logra na UA.
Registra
Apesar cu gustosamente UA lo a invita bo pa su ‘open house’ tradicional na su campus, UA tambe tin cu tene cuenta cu salud y siguridad di nos comunidad.
Pa e motibo aki ta invita bo pa registra pa e open dag virtual di UA acudi na e siguiente link:
Pa mas informacion por bishita website ua.aw of por sigui UA via Facebook y Instagram.
Arubalening pa studia na UA
Land Aruba ta brinda esnan cu kier sigui studia un prestamo pa estudio: “Arubalening”. Pa studia na Universidad di Aruba e studiante por bin na remarca pa e producto “Arubalening UA”. Mas informacion:
Info / Contact
Pa mas informacion por busca den e alfabet menu riba homepage:
Por tuma contacto cu:
Scroll To Top
