Departamento di Enseñansa di Aruba

Institutions Canada


Gobierno di Aruba a formalisa un acuerdo (Memorandum of Understanding (MoU) cu e siguiente institutonan na Canada.


Na maart 2019 Gobierno di Aruba a firma un acuerdo cu Brescia University College of Canada.

 


Na februari 2017 Gobierno di Aruba a firma un acuerdo (Memorandum of Understanding) cu Bishop’s University. Studiantenan di Aruba lo por ricibi un scholarship di 4000,- dollar Canades pa aña, cu ta implica un descuento di $2000,- pa semester, cu ta reduci e tuition fee cu studiantenan internacional ta paga. E scholarship di 4000,- dollar Canades pa aña ta aplicabel pa tur residente di Aruba cu ta cumpli cu e normanan di admision y cu ta wordo acepta na Bishop’s University.

 


Na juni 2017 Gobierno di Aruba a firma un acuerdo (Memorandum of Understanding) cu Carleton University. E MoU ta ofrece varios beneficio na e studiante di Aruba cu ta desea di sigui un di e programanan di Carleton University.

 


Na november 2016 Gobierno di Aruba a firma un acuerdo (Memorandum of Understanding) cu Centennial College of Canada. E MoU ta ofrece varios beneficio na e studiante di Aruba cu ta desea di sigui un di e programanan di dos, tres y cuater aña y/of post graduado.

 


Na september 2017 Gobierno di Aruba a firma un acuerdo (Memorandum of Understanding) cu Humber College. E MoU ta ofrece varios beneficio na e studiante procedente di Aruba.

 


Na februari 2017 Gobierno di Aruba a firma un acuerdo (Memorandum of Understanding) cu Niagara College of Canada. E MoU ta ofrece varios beneficio na e studiante procedente di Aruba.

 


Na october 2015 Gobierno di Aruba a firma un acuerdo cu Seneca College di Toronto, Canada. E prome firma entre Aruba y un institucion di Enseñansa Superior na Canada. Pa e aña escolar 2019-2020, Seneca a termina e MoU aki pendiente proposicion di un MoU nobo. E acuerdo nobo lo encera un descuento di 30% di e tuition si e studiante presta bon academicamente na Seneca. E studiante lo mester paga full e tuition e prome semester y si su prestacion ta na e nivel cu Seneca ta stipula, e por bin na remarca di e descuento pa e siguiente semester. E descuento aki lo wordo aplica retro-activamente pa e prome semester tambe. Aunke un MoU nobo no a wordo firma ainda entre Aruba y Seneca, Seneca ya caba ta aplica e condicionnan aki pa studiantenan di Aruba.

 


Info / Contact

Si tin pregunta por tuma contacto cu e International Office di e instituto na unda ta interesa pa studia.

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw