Studia na Hulanda: Seguro 2020

May 18, 2020

Land Aruba ta percura pa e studiantenan di Aruba cu ta bay studia na Hulanda cu un Arubalening entrante luna di augustus 2020, ricibi un “verzekeringskrediet” den forma di un “studentenverzekering”.

E “studentenverzekering” aki ta regla cerca e compania Insure to Study caminda e studiante lo ta sigura for di augustus 2020 te cu december 2020 pa un suma total di AFL 572,25. E suma pa e seguro (medico) aki ta parti di e startpakket y pues ta wordo kita automaticamente for di e startpakket.

Entrante januari 2021 e studiante mes ta responsabel pa sigui cu su pagonan di seguro.

Departamento di Enseñansa Aruba (DEA) recientemente a manda pa Insure To Study (ITS) e lista di studiante cu a aplica pa un Arubalening pa studia na Hulanda. Siguientemente ITS lo bay manda pa cada studiante su polisblad via email. Ora e studiante ricibi e polisblad aki for di ITS, e studiante mester upload un copia di esaki den e Arubalening Portal.

E polisblad aki lo ta pa un seguro entrante 1 di augustus 2020.


Studiante cu ta biaha riba un otro fecha

Un studiante cu tin pensa di biaha pa Hulanda prome cu 1 di augustus 2020, ta responsabel pa notifica ITS di e fecha cu lo biaha pa Hulanda, pa asina ITS por ahusta e polisblad.

Tur studiante cu no ta biahando cu e grupo dia 2 y 3 di augustus 2020 tambe mester notifica Seccion di Arubalening di e fecha exacto cu lo ta biahando pa Hulanda. Esaki pa motibo cu na momento cu e studiante subi avion pa biaha pa Hulanda e studiante mester ta segura via ITS.

Pa mas informacion e studiante por tuma contacto cu Insure To Study via email aruba@insuretostudy.com.


Mas informacion

Departamento di Enseñansa Aruba (DEA) actualmente ta den proceso di mudamento pa John F. Kennedy Education Center situa na Stadionweg 37. Pa e motibo aki nos oficinanan ta cera pa publico te cu proximo aviso. Pa cualkier pregunta por sigui comunica cu nos via email y nos ta haci nos maximo esfuerso pa contesta mas pronto cu ta posibel. Departamento di Enseñansa ta spera di por reanuda servicio for di su localidad nobo pronto.


Info / Contact

EMAIL: arubalening@ea.aw

SOCIAL MEDIA: Facebook – Instagram

Pa mas informacion por busca [A] Arubalening of [S] Studia na Hulanda den e alfabet menu riba nos pagina principal of por tuma contacto cu DEA afdeling Studiafaciliteiten.

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw