Search Facebook Instagram Twitter

Studentenhuisvesting Arnhem, Nijmegen y Wageningen

February 20, 2023

Den Haag – Arubahuis ta brinda informacion di vivienda pa studiantenan cu kier studia na Hulanda den regio Arnhem, Nijmegen of Wageningen.


Studentenhuisvesting Provincie Gelderland

Provincie Gelderland: Nijmegen, Arnhem, Wageningen


Mentor di Arubahuis Yuraima Henriquez-Rodulfo di regio Arnhem, Nijmegen y Wageningen ta duna pa medio di e articulo aki informacion di vivienda pa studiante pa e ciudadnan menciona. Como mentor di Arubahuis bo ta guia studiante ora cu nan ta na Hulanda pero e guia ta cuminsa cu dunando informacion na e studiante cu ta dicidi di bay studia na Hulanda. E decision ey hopi biaha ya caba ta wordo haci den e aña prome cu ‘examenjaar’.

Si bo kier bay studia na 2023-2024 of e aña despues, e prome stap na momento cu bo a haci e decision aki ta pa busca vivienda na Hulanda. Si bo ta duda riba cua estudio bo ta bay sigui of bo no ta sigur na cua ciudad bo kier studia, toch ta importante pa orienta y inscribi bo mes na tempo pa un vivienda. Mas trempan bo orienta y/of inscribi bo mes mas posibilidad y seguridad bo tin pa un vivienda ora bo yega Hulanda.


Importante

Pa haya vivienda na Arnhem of Nijmegen ta hopi importante pa bo inscribi bo mes como ‘eerstejaars’ na SSHN. Desde 1 di juli 2020 SSHN a anuncia un cambio den nan sistema y procedura. Tur ‘eerstejaars student’ por inscribi gratis pa busca un camber den regio Arnhem y Nijmegen. SSHN ta traha cu un sistema di loteria, tur siman bo por participa cu e loteria pa un camber.  E cambio aki ta conta pa tur studiante nobo y tambe pa esnan cu tin un inscipcion caba cerca SSHN. Pa mas  informacion riba e sistema nobo por wak e siguiente video (link ta habri den YouTube):

Door di e cambio grandi di SSHN ta importante pa studiantenan cu kier bay studia na Arnhem of Nijmegen, pa busca tambe camber via otro medionan, manera Facebook of KamerSociaal.nl.

Pa loke ta trata Wageningen bo por inscribi na ROOM.nl. Esaki bo por haci mas liher posibel. ROOM ta traha a base di tempo di inscripcion. Mas tempo bo tin acumula, mas sigur bo ta cu bo por haya un camber na tempo. Ta importante pa semper lesa e website bon prome cu bo inscribi bo mes y tuma bon nota di e procedura, reglanan y deadlines.

Un otro opcion pa haya camber (temporal) ta via Hogeschool of Universiteit. Na momento cu bo scoge un estudio, check riba e website di e scol ki posibilidad tin y si bo ta cualifica pa camber via di scol como studiante for di Aruba. Pa e opcion aki bo mester ta na tempo, pasobra tin hopi studiante internacional cu ta aplica pa e cambernan.


Websites pa busca vivienda


Contact Mentor

Pa mas informacion of pa cualkier pregunta relaciona cu Arnhem, Nijmegen y Wageningen por tuma contacto cu:

Mentor Yuraima Henriquez-Rodulfo

Email: y.henriquez-mentor@arubahuis.nl

Mobiel of Whatsapp: +31 (0)6 1058 4441

Pa cualkier pregunta bo por acerca tambe e instancianan menciona.


Info / Contact

Pa mas informacion por busca den e alfabet menu:

Por tuma contacto cu:

Scroll To Top
  • © 2011-2023 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets