Studentenhuisvesting Den Haag y omgeving

October 15, 2018

Den Haag – Bo ta pensa di studia na Den Haag, Leiden of Delft otro aña? Cuminsa inscribi pa vivienda di awor pasobra tin scarsedad.


Studentenhuisvesting Den Haag, Leiden, Delft
Provincie Zuid-Holland

 Den Haag
 Leiden
 Delft


Cas di Aruba ta pone hopi enfasis riba e preparacionnan cu nos hobennan cu ta pensa di bin studia na Hulanda tin cu haci pa por tin un experencia positivo y exitoso ora nan yega Hulanda. Manera e responsabilidad di cada studiante pa busca un camber. Nos ta na luna di november caba y pesey ta importante cu e studiante cu pa otro aña kier bin Hulanda cuminsa inscribi pa un camber. Pa e alumnonan den vóór-examenklas (Havo4, VWO5 y MBO3) y cu tin pensa di bin studia tambe por inscribi caba.


Haciendo esaki na tempo e chens ta mas grandi cu e studiante por haña un camber pagable y mas conforme su gusto ora cu e yega Hulanda.


Ta bon pa menciona cu por inscribi na otro ciudadnan of municipio tambe den caso cu tin duda ainda unda e studiante lo kier bay studia finalmente. Unabez na Hulanda e ta hopi importante pa haña un camber mas liher posibel. Sin un adres na Hulanda, e studiante no por inscribi na gemeente cu resultado cu e studiante no ta haña su BSN nummer na tempo pa por sigui regla otro asuntonan manera DUO y banco.

Mentornan pa e region di Den Haag, Leiden y Delft, Shahaira Brokke y Solange Quandus ta duna un informacion ariba e procedura pa aplica pa camber pa studiante. E demanda pa camber na diferente ciudad ta grandi, mientras cu e cantidad di camber disponibel ta hopi chikito. Lo ta bon si e studiante por inscribi su mes na diferente website di organisacionnan cu ta maneha camber y cas, manera bo por mira riba e lista aki bou. Tin chens cu nan mes lo tuma contacto bek via email. Tin ora lo tin cu paga un suma pa por inscribi na e website.

E studiementornan pa Den Haag, Leiden y Delft ta recomenda studiantenan pa si nan tin famia of conocirnan na Hulanda pa acerca esakinan pa por yudanan den e proceso di busca vivienda y pa tambe pone nan anuncio riba facebook. Via via bo tin mas chens di logra haya algo. Si e posibilidad presenta su mes cu e studiante tin cu huur un kamber prome cu e yega Hulanda, ta importante pa lesa e contract hopi bon prome cu firma esaki. Un di e exigencia di un makelaar promer nan bai di acuerdo pa huur un vivienda ta cu mester haci un “bezichtiging”. Esaki ta encera cu logicamente e studiante of familiar tin cu bay wak e camber cu propio wowo prome cu dicidi di huur esaki. Nos ta conseha pa laga bo mayornan tambe lesa e contract. Ta esencial pa traha palabracionnan concreto cu e huurdo.

E exito pa cuminsa cu un vervolgstudie na Hulanda ta primeramente, banda di inscribi na un scol ta di tin un vivienda. Aruba ta conta pa aña cu mas o menos 250 studiante cu ta continua nan estudio na Hulanda y en berdad tin un porcentahe cu ta bolbe bek Aruba pa motibo di no tabata bon prepara y no por a handel e presion. E falta di un bon preparacion ta pone cu e promer aña por start cu hopi stress pa e studiante y esei por ocaciona cu e no ta haal e exigencianan minimo pa por continua cu e estudio.


Aki nos ta publica un lista di diferente website pa busca y inscribi pa haya un camber pa locual ta e ciudadnan Den Haag, Leiden y Delft:

● www.duwo.nl
● www.staedion.nl
● www.vestia.nl
● www.vestingvastgoed.nl
● https://denhaagstudentenstad.nl/nl/wonen/kamers-in-den-haag
● https://www.roombase.nl/
● http://www.kamersdelft.nl/
● https://www.kamerleiden.com/
● http://www.studentenkamers-leiden.nl/
● www.kamernet.nl
● www.kamertje.nl
● www.kamer.nl
● www.kamerhulp.nl
● www.rotsvast.nl
● www.xior.nl
● www.Y-thehague.com

Potret: Plaatselijke Opvang Commissie


Contact Mentor

Pa mas informacion of pa cualkier pregunta relaciona cu Den Haag, Leiden y Delft por tuma contacto cu:

Mentoren Shahaira Brokke y Solange Quandus

Mobiel of Whatsapp:

Email:


Info / Contact

Pa mas informacion por busca den e alfabet menu riba homepage: [S] Studia na Hulanda of por tuma contacto cu: Arubahuis

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw