Sesion di Informacion pa Maestro y Mayor

May 14, 2020

Directie Volksgezondheid (DVG) hunto cu Huisartsenvereniging Aruba (HAVA) y Dr. Horacio Oduber Hospital lo tene dos sesion di informacion y pregunta pa Maestro y Mayor via Telearuba y Facebook Live.

Entrante dialuna 18 di mei e scolnan na Aruba lo cuminsa habri como parti di Fase 2 di Aruba su recuperacion y futuro. Di e forma aki nos muchanan cu despues di dos luna di ta na cas lo por bolbe bek scol.

Varios scol ya a prepara pa e fase aki y nan lo ta e promenan pa habri. Tin scolnan si cu ainda no ta cla ainda, nan a haya un siman mas pa completa nan preparacionnan. Directivanan di Scol a reuni cu DVG y a haya e Protocol General, awor cada sector di enseñansa por haci modificacionnan si ta necesario, segun prioridad di cada sector.

DVG-HOH-HAVA y JGZ ta ofrece diabierna dia 15 di mei pa 10:30 un Mainta di Informacion cual lo ta estilo “Townhall” via Telearuba, Facebook, Whatsapp y E mail. Maestronan por manda nan pregunta desde awor y durante programa na: forum@telearuba.aw y Whatsapp: 5971323.

Anochie pa 7:30 lo tin un sesion special pa e Mayornan durante e conferencia di prensa di Gobierno. Mayornan por haci pregunta na: pregunta@arubacovid19.org y Whatsapp: 5931717.




Info / Contact

Ministerio di Enseñansa

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw