Scol y e situacion di Tempo

September 29, 2016

Ministerio y Departamento di Enseñansa Aruba desde dialuna ta den contacto cu autoridadnan local cu ta monitoria e situacion di tempo hopi di cerca pa asina determina si algun paso specifico mester wordo tuma. [Updates]

Cortesia: meteo.aw

Ta trata aki particularmente di un sistema tropical #TropicalStormMatthew cu ta moviendo den nos direccion. Ya pa algun dia ta siguiendo di cerca e sistema tropical aki y su posibel consecuencianan pa Aruba.

Informacion ricibi te na momento aki ta indica cu:

Diamars 27 di september, 12or merdia: E sistema tropical lo aumenta den forsa y su centro di circulacion lo por pasa mas o menos 150-200 km noord di Aruba diabierna dia 30 di september proximo;
Diaranson 28 di september, 12or merdia:  Tormenta tropical Matthew su centro di circulacion lo por pasa mas o menos na un distancia di 150 pa 200 km noord-noordoost di Aruba den curso di diahuebs laat pa diabierna.
Diahuebs 29 di september, 8or mainta:  Dor di indicacionnan cu a ricibi for di METEO y Bureau Rampenbestrijding cu e tormenta tropical lo yega Aruba awe nochi y diabierna marduga, scol lo no cera awe. Ministerio y Departamento di Ensenansa ta duna aprobacion si na mayornan pa tene nan yiu na cas, si ta desea esaki.
Diahuebs 29 di september, 12or merdia:  METEO: [Boletin special nr. 7]

Vakantie

Mirando cu diabierna (30 di september 2016) ta e prome dia di “oktober vakantie”, e no ta necesario pa considera un posibel ceramento di scol.

Den caso cu tin algun cambio den e situacion lo informa e scolnan di esaki mas pronto cu ta posibel.

Manual

Ministerio Departamento di Enseñansa ta sugeri scolnan pa repasa e manual Traha na un Scol Safe (Veilige School map) cu ta consisti di medidanan y procedura pa prevencion y/of posibel accion den caso di crisis y incidente.

Den  [Deel 2 | Handelingswijzers, pagina 41] ta duna algun instruccion y sugerencia pa den caso di mal tempo of un horcan.

Ta avisa pueblo pa keda pendiente pa boletinan oficial di tempo via e canalnan oficial di GobiernoGobierno y Servicio Meteorologico di Aruba (METEO) ta den contacto cu diferente otro servicio meteorologico di e region, National Hurricane Center na Miami y KNMI di Hulanda.

E boletinan di prensa relaciona cu e sistema tropical ta wordo haci den coordinacion cu Minister di Transporte (Oduber) y Minister di Asuntonan General (Eman).

 


Info | Contact

Pa mas informacion por busca den e alfabet menu riba homepage: [V] Veilige School of por tuma contacto cu: Departamento di Enseñansa Aruba | Ministerio di Enseñansa

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw