Reapertura di Arco Iris Kleuterschool

November 23, 2016

Ta cu hopi alegria nos ta aki pa habri y yama bon bini na e alumnonan di Arco Iris Kleuterschool, bek na nan scol, despues di casi 4 aña“, asina Minister Michelle Hooyboer-Winklaar, encarga cu maneho di enseñansa riba nos isla, a duna di conoce despues di e bunita ceremonia di apertura recientemente na e scol.

Na aña 2012 a constata presencia di asbest den e dak, cu tabata “brokkel af” y cay den klas y riba speelplaats. E tempo ey Minister Dowers a dicidi di muda e scol pa Dakota Shopping Paradise, unda nan a keda pa bastane tempo. Motibo di e tardansa ta debi na retonan inespera, manera falta di fondo disponibel, tabatin duda den ki forma lo renoba e scol of si lo tabata miho otorga nan un otro edificio, cu lo a costa un tiki mas. Gobierno a tene cuenta cu deseo di e cabesante y docentenan, cu mas bien a prefera di regresa den nan propio cas bek.

Pa por a logra e meta ey, Minister Hooyboer-Winklaar a traha di cerca cu e ekipo di docentenan di e scol, hunto cu Dienst Publieke Scholen (DPS) pa analisa kico precies nan ta desea como scol. Ey a sali afor cu no por cambia e dak so, sino mester a haci un renobacion completo, teniendo cuenta e cantidad di aña cu e scol ta existi.

E gastonan di renobacion a alcansa 2.3 miyon florin. E trabounan a termina den un tempo record, solamente 6 pa 8 luna, despues cu e fondonan tabata disponibel. Gobierno tabatin palabranan di gradicimento na Freeman Construction, pa e calidad den e trabou entrega. No por keda sin menciona e wowonan di supervision di DOW cu a garantisa cu e trabou ta keda cla na tempo, cu e calidad desea y den e presupuesto aloca.

Mi ta hopi contento. Bo ta mira den cara di e muchanan, nan no sa pakiko precies nos ta celebra ainda como cu ta un otro edificio so Nan conoce, pero specialmente e docentenan ta masha contento awor di por duna les den un edificio completamente renoba“, segun Minister Michelle Hooyboer-Winklaar.

E la enfatisa cu esaki ta 1 di e tantisimo scolnan cu mester un renobacion. Un pa un ta renobando nan, den cooperacion cu Minister di InfrastructuraMinister di Husticia cu a inicia e proyecto y Minister President cu a sostene e trabounan aki di renobacion. Pa awor mester sigura cu ta mantene e scol a base continuo y no warda 30 pa 40 aña atrobe.

 


Info / Contact

Pa mas informacion por busca den e alfabet menu riba homepage:  [F] Faciliteiten  of [O] Onderhoud Scholen.

Scroll To Top
  • © 2011-2018 Department of Education Aruba (DEA)
  • T +297-528-3400
  • F +297-528-3434
  • info@ea.aw