Psicologo pa Maestro den cuadro di Teacher Care

January 14, 2016

Durante e ultimo aña Minister di Enseñansa a informa cu ta trahando riba e aspecto di cuido di maestronan, cu ta “Teacher’s Care“, esaki ta encera accesibilidad na profesionalnan cu por asisti maestronan den nan trabouw diario. A base di e informacion di scolnan/maestronan durante e bishitanan na tur e scolnan y di e sindicato di maestronan, a dicidi pa bin cu un Psicologo (Psycholoog) pa “Teacher’s Care“.

“E trabou di un maestro ta hopi diverso, no ta facil y ta encera hopi reto. Un maestro no ta traha solamente cu e alumno/studiante dunando nan les, pero p.e. e tin di haber tambe cu e mayornan, su team di colega, alumnonan cu por tin problema cu siñamento of problema di comportacion, e tin reunionnan pa atende, e mester keda constantemente na altura di desaroyonan nobo riba e tereno di enseñansa. 

Den su trabou diario e ta dirigi riba e klas/grupo, pero e tin cu tene cuenta cu cada alumno y mester por duna atencion individual tambe. Esaki por trece situacionnan di stress of simplemente e necesidad pa haya oido y conseho y/of yudansa di un profesional independiente”, Minister Hooyboer-Winklaar a enfatisa.

Pa ofrece e yudansa aki na un manera facil y evita cu maestronan mester cana e caminda di busca un verwijsbrief via nan dokter di cas a opta pa pone un Psicologo dedica solamente pa maestronan via  Multidisciplinair Centrum (MDC) desde 1 di februari, 2016.

E Psicologo lo ta ubica na Belgiestraat caminda MDC lo tin un dependance den cuadro di entre otro “Teacher’s Care“. Eynan lo ta hopi mas priva pa e maestronan y docentenan acudi pa yudansa.

Durante e siguiente simannan lo informa tur stakeholder tocante di e Psicologo y e detayenan envolvi pa maestronan por acudi pa e servicionan.

 


Info / Contact

Pa mas informacion por busca den e alfabet menu riba homepage: [M] Multidisciplinair Centrum of por tuma contacto cu: Ministerio di Enseñansa

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw