Proceso pa incorpora tecnologia den scol

February 12, 2015

E proyecto “Ipad op School” ta un curiculo cu ta encera un variedad di programa selecta y implementa cu Ipad. “Digitale Schrift Good Note” a wordo crea specialmente pa Colegio Frere Bonifacius y adapta na nan peticionnan. E compania Mac4U a haci un investigacion y asina awe 31 alumno ta feliz cu nan sistema di siña. Segun Minister Michelle Hooyboer-Winklaar lo continua cu proceso pa incorpora tecnologia den scolnan y ta planeando pa expansion pa mas klas y scol.

“Nos ta mira un preparacion extenso di Colegio Frere Bonifacius hunto cu e compania Mac4U. Tur e desaroyonan den e tecnologia a wordo adapta special pa e scol y su alumnonan. Desde inicio di scol e alumnonan ta traha cu e programa y ta interactivo cu docente y esunnan cu a implementa e  sistema.

Esaki ta pone un otro toke riba enseñansa y ta un cambio total. Pa e alumnonan e sistema aki ta interesante y similar na enseñansa tradicional. Ya cu e alumno ta haya e oportunidad pa sondea diferente opcionnan cu tin pa nan” Minister di Enseñansa Michelle Hooyboer-Winklaar ta relata.

Cu e sistema “Digitale lesmethode Schooltas” cu e digitale boeken di Thieme Meulenshoff e alumno ta mira, tende, skirbi y interact mas hopi. Di e manera aki e alumno masha lihe mes, ta haya sa y keda na altura di kico ta pasa den mundo.


Minister Michelle Hooyboer-Winklaar
 ta boga pa digitalisacion den mas scolnan posibel, sea esaki ta un beamer cu un juffrouw ta uza su laptop pa traspasa e lesnan visualmente pa e alumno, of e ta un smart package cu e alumno mes por sinta y traha, y loke awe a ser presenta ta bay un poco mas leu ainda.

E ta incorporacion di loke ta nos isla, loke ta nos cultura. Tecnologia ta habri e caminda pa adaptacion di e lesnan den ‘real time’ via e posibilidad di incorpora video, text por ehempel di geografia di nos islanan, di Caribe, historia, y asina por sigui menciona.

31 alumno a siña con pa traha cu e ipad y riba esaki nan ta haya lesnan specialmente traha pa nan di natuur en techniek, taal, rekenen, menskunde, blauwe planeet cu ta aardrijkskunde. Aki e docentenan di Frere Bonifacius a opta pa un combinacion di aardrijkskunde traha localmente  pa e docentenan y a laga pone esaki den e computer. Verkeerslessen a wordo crea  local dor di KPA y a wordo digitalisa completamente dor di nan pa e curriculum aki.  Pa loke ta geschiedenis a prefera di traha riba Aruba su storia y a busca un programa cu a wordo traha den añanan 90 cu ta basa riba historia di Caribe y ABC eilanden cu  yama Tijdvonk, esaki  cu permiso di ontwikkelingsbureau.

“Awor ta un bon momento pa sigui un ‘tracking system’ di varios programanan cu ta andando caba y evalua y analisa cual ta mas eficaz y ta yega mas cerca e alumno y ta esun mas exitoso. Y asina poco a poco yega na digitalisacion den nos sistema di educacion.”

“Un proyecto cu a wordo gesponsor dor di sector priva den e caso aki SETAR y nan ta entusiasma di mira cu nan inversion ta bay rendi, cu e ta un inversion den nos futuro generacion cu e ta un inversion pa Aruba” Minister Hooyboer-Winklaar ta termina cu un orguyo riba su cara.

Video

Presentacion di proyecto na Colegio Frere Bonifacius

 


Info / Contact

Pa mas informacion por busca [M] Minister – Ministerio di Enseñansa den e alfabet menu riba homepage of por tuma contacto cu Ministerio di Enseñansa

Scroll To Top
  • © 2011-2018 Department of Education Aruba (DEA)
  • T +297-528-3400
  • F +297-528-3434
  • info@ea.aw