Posibel “2+2” cu University of South Carolina

October 4, 2016

Recientemente Minister di Enseñansa Michelle Hooyboer-Winklaar a reuni cu varios representante di University of South Carolina pa explora oportunidadnan nobo pa studiantenan di Aruba.

Manera ta conoci, na aña 2014 Minister Hooyboer-Winklaar a firma un acuerdostate-to-state cu a habri e caminda pa universidadnan y “colleges” di estado di South Carolina otorga studiantenan di Aruba in-state tuition fee.

University of South Carolina ya caba tin un relacion estableci cu Universidad di Aruba y actualmente ta participa den un student exchange program.

Minister Hooyboer-Winklaar a reuni cu e Decano di e facultad di Hospitality, Retail and Sports Management” Haemoon Oh Professor Robin Di Pietro pa sondea e posibilidad di crea un programa pa e facultad di Hospitality and Tourism di 2+2 cu lo duna studiantenan di Universidad di Aruba e oportunidad pa studia 2 aña na Aruba y despues 2 aña na University of South Carolina. Finalmente e studiante lo gradua cu 2 diploma di ambos scol.

Esaki ta un concepto cu ya caba ta existi na diferente universidad, y mi ta convenci cu nos lo por formalisa esaki pa nos studiantenan haya acceso na un programa unico y valioso, asina e Minister di Enseñansa a splica.

E otro beneficio lo ta esun financiero mirando cu ta paga solamente 2 aña pa studia afo en bes di 4 aña.

Lo sigui dialoga cu e facultadnan di Hospitality and Tourism Management di Universidad di Aruba South Carolina pa establece un protocol y plan di accion pa esaki bira un realidad mas pronto posibel.

 


Info / Contact

Pa mas informacion por busca den e alfabet menu riba homepage: [S] Studia na Merca of por tuma contacto cu DEA > afdeling Studiefaciliteiten| Ministerio di Enseñansa

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw