Search Facebook Instagram Twitter

Open House na UA

March 14, 2016

Universidad di Aruba (UA) ta invita studiantenan di Colegio Arubano, HAVO/VWO, EPI, International School y tur esnan cu ta interesa pa inicia un estudio di enseñansa avansa na Aruba, pa asisti na e Open House diahuebs dia 7 di april proximo.

Riba e dia aki tur studiante cu tin e intencion di drenta e proximo aña academico tin oportunidad pa haya informacion en general y lo tin oportunidad pa papia cu studiante y docente.

Universidad di Aruba ta brinda e graduadonan di scol secundario y otro interesado cu ta califica pa aplica pa admision e oportunidad pa sigui un estudio pa obtene un titulo na nivel di ‘Bachelor’ of ‘Master’ na un di e 4 facultadnan:

  • Facultad di Derecho (Faculteit der Rechtsgeleerdheid – FdR)
  • Facultad Financiero Economico (Financieel Economische Faculteit – FEF)
  • Facultad di Turismo y Maneho (Faculty of Hospitality and Tourism Management Studies – FHTMS)
  • Facultad di Arte y Ciencia (Faculty of Arts & Science – FAS)
[Programa Open House]

 

Specialisacion

Universidad di Aruba ta ofrece e siguiente specialisacionnan:

Academic Foundation Year

Universidad di Aruba ta ofrece un programa nobo cuminsando na luna di september proximo: Academic Foundation Year.

E programa aki ta special pa esnan cu a caba scol secundario (HAVO, VWO of MBO) y ta sirbi como preparacion (materia y orientacion) pa cuminsa un estudio superior na un instituto academico (HBO of Universidad). E Academic Foundation Year ta un “brug” entre un fase di enseñansa y e otro, e ta ofrece e alumno e oportunidad di un “tussenjaar” pa sondea su opcion y oportunidadnan pa cu su estudio y su futuro carera miho.

Durante e Open House lo duna mas informacion di e programa nobo aki.

Posibilidad pa Intercambio y Stage den exterior

Universidad di Aruba tin relacion estrecho cu diferente Universidad y Hogeschool na Hulanda y Merca y cu otro universidad acredita den region.

Recientemente Universidad di Aruba a cera un acuerdo cu University of South Carolina na Merca caminda e studiante lo por participa den un programa di intercambio, pagando e mesun suma di inscripcion cu tin na UA.

Universidad di Aruba tambe tin studiantenan cu ta haciendo nan stage na Hulanda bou di guia di Hogeschool Windesheim, University College Utrecht (UCU), Hanze University of Applied ScienceHogeschool Rotterdam (Social Work & Development), tur cu tin un laso di cooperacion estrecho cu Universidad di Aruba.

Esaki ta un muestra di e crecemento di Universidad di Aruba den e ultimo añanan. E convenionan cu Universidad di Aruba ta cera cu universidad reconoci mundialmente ta na bienestar di su studiantenan.

Open House

Universidad di Aruba kier a invita tur esnan interesa pa pasa busca e informacionnan necesario pa por haci un escogencia pa nan futuro. Mayor cu tin yiu na scol secundario tambe ta bon bini pa haya sa mas tocante e estudio cu nan yiu kier haci, pa por yud’e scoge e pakete adecuado na scol secundario, loke ta facilit’e haya admision na un di e facultadnan. Asisti na e Open House diahuebs dia 7 di april entre 6or di atardi y 9or di anochi.

Pa mas informacion tambe por pasa libremente na Office of Student Affairs ubica na e otro edificio di Universidad di Aruba, cu ta banda di Crown building riba Boulevard.

 


Info | Contact

Pa mas informacion por busca den e alfabet menu riba homepage: [U]niversity of Aruba] of por tuma contacto cu: University of Aruba.

Scroll To Top
  • © 2011-2023 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets