Search Facebook Instagram Twitter

Minister Hooyboer-Winklaar ta encabesa delegacion di Reino Hulandes na UN

March 11, 2017

Minister di Enseñansa Michelle Hooyboer-Winklaar a sali rumbo pa New York como lider di e delegacion di Reino Hulandes pa presenta na e di 61 session di Commission on the Status of Women na Nacionnan Uni.

E peticion a wordo haci door di Minister di Enseñansa di Hulanda Jet Bussemaker. Bussemaker normalmente ta fungi como lider di delegacion, pero mirando cu den algun dia lo tin eleccion Parlamentario na Hulanda, e minister a puntra su colega di Aruba pa lidera e delegacionnan di Hulanda, Aruba, Corsou y St. Maarten.

E di 61 sesion di Commission on the Status of Women (CSW61) ta tuma luga na e cede di Nacionnan Uni na New York for di 13 pa 24 di maart 2017.

Lo enfoca riba “Empoderamento di hende muhe den e mundo di trabou cu ta cambiando”.

E comision ta un di e reunionnan anual mas grandi di lidernan global, organisacionnan sin fin di lucro (NGO), sector priva, partnernan di Nacionnan Uni y activistanan for di rond mundo enfocando riba e status di e derechonan y empoderamento di tur hende muhe y mucha muhe rond mundo.

 


Info / Contact

Pa mas informacion por busca den e alfabet menu riba homepage: [M] Ministerio di Enseñansa

Scroll To Top
  • © 2011-2023 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets