Search Facebook Instagram Twitter

Minister di Enseñansa di bishita na Colegio Sagrado Curason

August 19, 2016

Aña Escolar 2016-2017 a habri cu hopi expectativa. Studiantenan tabata hopi contento riba e prome dia di scol, un dia special cu Minister di EnseñansaMichelle Hooyboer-Winklaar, a bishita Colegio Sagrado Curason unda el a wordo ricibi pa un grupo grandi di muchanan y pa e cabesante sra. Lillith Rasmijn.

Colegio Sagrado Curason ta un di e scolnan mas bieu di Aruba y e ta situa den bario di Savaneta. Actualmente e ta e scol basico catolico mas grandi riba nos isla.

E scol ta ofrece educacion na mas di 425 mucha anualmente y nan ta un di e miho scolnan den prepara studiantenan pa voorgezet onderwijs” (enseñansa intermedio). Nan ta percura pa e alumnonan ta comodo pa nan tin tur oportunidad di siña y pa e maestronan ta cla pa yuda nan.

Nos a haya masha agradabel cu Minister a scoge nos scol pa bin bishita riba prome dia y desea e muchanan un bon aña escolar. E ta coincidi cu e hecho cu nos scol a wordo full asfalta e aña aki pa cual nos ta hopi contento tambe, e cabesante a expresa, cu segun su calculacionan a haya un capa nobo despues di casi 70 aña.

Tin mas pa wordo haci, e cabesante a subraya. Awor a invita Minister Hooyboer-Winklaar pa pasa mira e lesnan, con e muchanan ta bezig den nan desaroyo hayando les den un forma digitaliza.

E mandatario a probecha y a desea tur studiante un bon inicio di aña escolar y a motiva nan pa keda atento y cu hopi animo.

 


Info / Contact

Pa mas informacion por busca den e alfabet menu riba homepage: [M] Ministerio di Enseñansa

Scroll To Top
  • © 2011-2023 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets