Minister den combersacion cu Centennial College

July 21, 2016

Recientemente Minister di Enseñansa Michelle Hooyboer-Winklaar a bishita varios colleges y universidadnan na Canada. Entre nan tambe e prome college na Ontario, Canada estableci na aña 1966, Centennial College.

Centennial College ta un di e institutonan di Enseñansa superior mas diversifica, cu 4 campus, ofreciendo mas cu 150 diferente programa di diploma y bachelor.

Centennial College tin un historia amplio na Canada. Awe mi a topa cu varios ehecutivo di e scol, incluyendo e Presidente, Ann Buller, cu a vocifera nan interes grandi pa studiantenan di Aruba”, Minister Hooyboer-Winklaar a splica.

Algun ehempel di programa na Centennial ta inclui “Bachelor of Information Technology”, “Bachelor of Public Relations Management”, “Biomedical Engineering”, “Global Business Management”, “Journalism” y “Baking and Pastry Arts Management”.

Ora un studiante scoge e rumbo di College (HBO), importante ta cu tin varios opcion habri ora nan termina nan estudio y gradua cu nan diploma.

E prome opcion ta pa cuminsa nan carera cu nan a studia p’e, esta drenta mercado laboral. Centennial College ta monitoria e exito di nan graduadonan despues di gradua den haya trabou den e area cu nan a studia. Resultado cada aña ta mustra cu nan ta score halto pa loke ta trata preparacion pa trabou.

E di dos opcion ta pa sigui studia na Universidad. Aki tambe varios programa na Centennial ta habri porta pa sigui studia y ta conta cu “transfer credits” na varios Universidad rond Canada, incluyendo programanan colaborativo cu Ryerson University y University of Toronto den “Nursing, Applied Microbiology, Environmental Science and Technology, Journalism and New Media Studies”.

Minister Michelle Hooyboer-Winklaar ta sigui delibera cu Centennial College pa mehora aceso pa studiantenan di Aruba, incluyendo e aspecto financiero.

Website: [Centennial College]

 


Info / Contact

Pa mas informacion por busca den e alfabet menu riba homepage: [S] Studia na Canada of por tuma contacto cu DEA > afdeling Studiefaciliteiten.

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw