Mucha ilegal

Ilegal y enseñansa obligatorio


Si mi ta ilegal na Aruba, mi mester bay scol toch?

Si, e ley di enseñansa obligatorio ta conta pa tur mucha cu ta biba na Aruba. Pues tambe pa mucha cu ta ilegal na Aruba. Nan tambe tin derecho riba enseñansa.

E empleadonan publico di enseñansa obligatorio lo controla solamente si e mucha ta bay scol. No ta tarea di e empleadonan publico di enseñansa  obligatorio pa pasa informacion di mucha ilegal na servicio di inmigracion.

Nos ta ilegal na Aruba, nan por expulsa nos?

Si bo mayornan ta ilegal na Aruba, bo tambe ta ilegal na Aruba. Si, den un caso asina por expulsa abo y bo mayornan for di Aruba. Durante un estadia ilegal, toch e muchanan mester bay scol. Ni e scol ni e empleadonan publico di enseñansa obligatorio no lo pasa e datonan di boso pa e servicio di inmigracion.

Si mi ta bay scol na Aruba, e ora ey mi por keda na Aruba tambe?

No, si bo ta bay scol na Aruba no kiermen cu bo por keda na Aruba. E ley di enseñansa obligatorio ta stipula cu tur mucha cu ta biba na Aruba mester bay scol (sea nan ta legal of ilegal na Aruba).


Info / Contact

Bureau Leerplicht Aruba

Scroll To Top
  • © 2011-2018 Department of Education Aruba (DEA)
  • T +297-528-3400
  • F +297-528-3434
  • info@ea.aw