Boet


Ki ora bo ta haya un boet?

Si abo como mayor no cumpli cu e ley di enseñansa obligatorio, no obstante tur e esfuersonan cu scol y e ambtenaar di enseñansa obligatorio a haci, bo por haya un boet.


Cuanto e boet ta ora bo no cumpli cu e ley di enseñansa obligatorio?

E suma ta varia di Awg. 250,00 te Awg. 2.500,00.


Con un hende ta haya boet?

Un mayor ta haya un boet pasobra e no ta cumpli cu ley di enseñansa obligatorio. Tur mucha di 4 pa 16 aña cu ta biba na Aruba ta cay bou di e ley di enseñansa obligatorio, pues nan mester bay scol.


Ken ta duna e boet?

E minister di enseñansa ta impone e boet.


Si bo no ta di acuerdo cu e boet, kico bo por haci e ora?

Un mayor por entrega un carta di obhecion dentro di 6 siman.


Un mayor cu ta ricibi onderstand y mester paga un boet, kico e por haci?

Dentro di 6 siman e mayor mester reacciona door di manda un carta di obhecion. Den e carta mester ta para bon cla cu e persona en cuestion ta ricibi onderstand. Minister ta manda e carta pa Minister di Asuntonan Social. Den consulta cu Departamento di Asuntonan Social ta haci un areglo di pago na unda den 6 termino ta retene e boet for di e suma di onderstand.


Si un hende ainda no kier paga e boet, kico ta pasa e ora ey?

Si un hende nenga di paga e boet, e ta wordo cobra e ora via un dwangschrift.

 


Info / Contact

Bureau Leerplicht Aruba

Scroll To Top
  • © 2011-2018 Department of Education Aruba (DEA)
  • T +297-528-3400
  • F +297-528-3434
  • info@ea.aw