IPA cu tremendo actividad carnavalesco

February 13, 2019

Recientemente Instituto Pedagogico Arubano (IPA) a organisa su di dos actividad social pa aña academico 2018-2019.



Ambiente, creatividad y bon vibe tabata loke a reina durante IPA su actividad Bowling Carnaval Edition cu a tuma luga na Eagle Bowling Palace.

E meta di e actividad tabata pa ambos, studiante y personal di e instituto, siña conoce otro den un esfera recreativo y relahante. Ademas di esaki, pa medio di e actividad aki, IPA kier fortalece e union den e instituto.

Banda di bowling tabatin competencia di e T-shirt mas creativo den cua nos studiantenan a participa.

Un futuro maestro mester tin e habilidad pa ta creativo riba tereno educativo y social. E competencia di T-shirt a brinda e futuro maestro oportunidad pa explora nan creatividad.

Educacion ta rekeri habilidad creativo dilanti klas pa enrikece y haci e material atractivo pa e muchanan. Alabes tabatin competencia di make up carnavalesco.

Resultado di e anochi aki tabata como lo siguiente:

Segundo luga make-up carnavalesco: Deanna Fingal

Titulo maximo make-up carnavalesco: Lilianne Saladin

Segundo luga T-shirt mas creativo, categoria femenino: Lilianne Saladin

Titulo maximo T-shirt mas creativo, categoria femenino: Tyfanny Garcia

Titulo maximo T-shirt mas creativo, categoria masculino: Rene Samson

Segundo luga grupo uniforma: team Glow Back

Titulo maximo grupo uniforma: team B.C.

Segundo luga miho hungado di bowling: Sean Tromp

Miho hungado di bowling: Rocky Giel

Miho team di bowling: team B.C.

E actividad aki seguramente no tabata posibel sin cooperacion di diferente sponsor cu a kere den e evento aki y cu a yuda IPA sin pensa dos biaha.

Nan ta: Subway, Maybelline, Garnier, Taco Bell, Red Sail Aruba, Don Pastechi Factory, Aruba Riba Snack Truck, Ladies choice, Beauty Curves by Nickii Fashion Boutique y Beauty Curves Model Aruba.

E comunidad di IPA no tin palabra pa gradici boso pa boso aporte. Masha danki di curason.


Info / Contact

Pa mas informacion por busca [I] Instituto Pedagogico Arubano (IPA) den e alfabet menu riba homepage of por tuma contacto cu IPA

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw