Informacion di AZV pa Studiante

July 25, 2017

Bo ta bay laga Aruba pa bay studia den exterior. Esaki ta nifica cu durante e periodo di estudio den exterior bo no ta sigura na AZV y cu bo mester kita bo registracion for di AZV.

 

Carta

Bo ta ricibi un carta di AZV cu bo por uza pa haya un seguro den exterior y como un comprobante cu bo ta sigura te cu e dia cu bo subi avion pa bandona Aruba. Cu e carta aki ainda bo por acudi cerca e dunadonan di cuido di Aruba den caso cu ta necesario.

 

Servicio

AZV ta tene un merdia special pa studiante: Diabierna 28 di juli 2017 di 13:00 or pa 16:00 or na Rumbastraat 21, Camacuri.

E studiante mester corda trece:

[Informacion di AZV pa Studiante – 25 di juli 2017]

 

Importante

Hasta den caso cu bo no kita bo registracion di AZV, AZV a base di informacion ricibi di Censo lo kita bo registracion for di AZV (ta cera e polisa di seguro). E ora ey bo no tin un prueba cu bo a kita bo registracion di AZV, cual ta un prueba (comprobante) cu bo mester ora di cumpra un seguro den exterior. Tambe e ZorgPas cu bo tin, ta perde su validez.

Futuro cercano

Ora cu bo finalisa of stop cu bo estudio y regresa Aruba, ta importante pa bo registra bo mes bek na Censo y na AZV. E ora bo ta haya un ZorgPas nobo.

Ta sugeri pa studiantenan acudi regularmente na nos website ea.aw como tambe sigui Departamento di Enseñansa riba facebook na @educationaruba pa tur informacion.

 

Mas informacion

 


Info / Contact

Pa mas informacion por busca den e alfabet menu riba homepage: [A] Arubalening of por tuma contacto cu DEA | Studiafaciliteiten (Arubalening)

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw