Search Facebook Instagram Twitter

Exposicion proyecto ArubABC

February 25, 2020

Ilustrador y diseñador grafico Steffen Maas ta presenta ArubaABC, un proyecto educativo cu conoce diferente producto, un di nan ta un buki pa muchanan di scol, titula ‘Mi buki di Aruba’.

E exposicion di e proyecto ArubaABC lo ta habri durante ora regular di biblioteca entrante 26 di februari te cu diabierna dia 6 di maart den sala di exposicion na Biblioteca Nacional Aruba.

E apertura oficial ta tuma luga diahuebs dia 27 di februari 2020, di 7or pa 9or di anochi na biblioteca. Publico ta bon bini.

Proyecto ArubABC ta un proyecto educativo cu conoce diferente producto, un di nan ta un buki pa muchanan di scol, titula ‘Mi buki di Aruba’. Un buki pa muchanan entre 4 cu 7 aña cu ta cuminsa siña lesa. Un buki cu imahennan hopi colorido, acompaña cu palabranan na Papiamento. Otro productonan den exposicion ta simbolo di Aruba reconocibel pa tur, weganan, carchi y art prints.

Meta tras di e proyecto ta pa stimula lesamento, conocemento di cultura y conscientisacion cultural bou mucha y hoben. E exposicion ta duna un bista di e desaroyo di e proyecto y ta presenta ‘Mi buki di Aruba’.

Ta invita publico pa duna feedback riba e material pa asina sr. Maas por sigui desaroya esaki. Pa por haya feedback di profesional den enseñansa tin un presentacion special dialuna awor, pa 4or di atardi.



Info / Contact

Biblioteca Nacional Aruba (BNA)

Scroll To Top
  • © 2011-2023 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets