Charla na UA tocante “Un ortografia uniforme pa Papiamento ta factibel?”

November 13, 2015

Awe ta recorda cu 12 aña pasa Papiamento a bira idioma oficial di Aruba. Dia 21 di mei 2003, Parlamento di Aruba a aproba e ley di idioma oficial. Den e 12 añanan aki a haci hopi trabou respecto Papiamento tanto como materia den enseñansa como e idioma nacional.

 Ortografia ta e shimis cu bo ta bisti e idioma pa e bira visibel pa nos. Y ta straño, pero Papiamento ta e unico idioma na mundo cu ta bisti dos shimis pareu.
Kico ta e consecuencianan di esaki? Kico a conduci na e situacion aki? Ta posibel pa cambi’e?

E oradornan pa e anochi aki ta:

Prof. Dr. Ronald Severing di Universidad di Corsou: Konsiderando un solo ortografia pa nos idioma.”

Ramon Todd Dandaré Mag. Ling.: Historia di Ortografia di Aruba.”

Dr. Ronald Severing ta catedratico na Facultad General di Universidad di Corsou. Te cu aña pasa e tabata director di Fundashon pa Planifikashon di Idioma, na unda, entre otro, el a desaroya material pa Papiamento pa alumno di 4 te 18 aña hunto cu diferente grupo di autor.

Ramon Todd Dandaré Mag. Ling., docente di linguistica na I.P.A. y na Universidad di Corsou, ta lucha pa casi 50 aña pa reconocemento di Papiamento como Lenga Nacional di Aruba, Boneiro y Corsou. E ta conoci pa su numeroso charlanan y publicacionnan tocante Papiamento.

Ariba e anochi aki lo tin oportunidad pa pregunta y discusion.

Fecha: Diabierna 13 di november 2015
Luga: Universidad di Aruba, Sala 4 (ariba)
J.E.Yrausquinplein 4
Ora: 19:30 – 21:30 or
Idioma: Papiamento
Entrada: Gratis

 


Info / Contact

Pa mas informacion por busca den e alfabet menu riba homapage: [P] Papiamento of [P] Proyecto Scol Multilingual por tuma contacto cu Universidada di Aruba (UA).

Scroll To Top
  • © 2011-2018 Department of Education Aruba (DEA)
  • T +297-528-3400
  • F +297-528-3434
  • info@ea.aw