Proyecto pa Enseñansa Primario


Enseñansa Preparatorio (kleuter)

Rampa

Rampa ta un metodo pa desaroyo general y pa desaroyo di idioma na Papiamento pa scol preparatorio. E metodo Rampa ta un adaptacion di e metodo Trampolin, desaroya pa Fundacion Planificacion Idioma (FPI), Corsou. A adapta e metodo aki specialmente pa e prome y e di dos aña di Scol Multilingual. Rampa ta un metodo cu ta trata na yuda e maestro mas tanto posibel den su trabou di tur dia.

Aki por download e foyeto di Rampa cu ta inclui mas informacion di e structura, punto di salida, material y actividad di e metodo.


Taalpret

Taalpret ta un metodo di Hulandes como lenga stranhero pa alumnonan di kleuter. Hulandes ta hunto Papiamento e idiomanan oficial di Aruba. Asina mes casi e Hulandes no ta wordo uza pa nos muchanan.  Como cu Hulandes ta e idioma di instruccion den mayoria tipo di enseñansa, e ta importante pa hiba e muchanan asina leu den un tempo relativamente corto den nan dominio di Hulandes, pa asina nan por sigui enseñansa di un manera exitoso den e idioma aki.

Aki por download e foyeto di Taalpret cu ta inclui mas informacion di e metodo “Nederlands als Vreemde Taal” (NVT) pa enseñansa preparatorio (kleuter).


Jump y Brinca

E metodo Jump y e metodo Brinca ta consisti di diferente sugerencia pa e lesnan di tur dos idioma. Den e buki di idea Brinca y den esun di Jump, lo haci uzo di e programa exploratorio pa idioma cu ta e “Foreign Language Exploratory Programs” (FLEX). Meta principal di e programa aki ta pa e alumnonan desaroya un actitud positivo pa e idioma stranhero, pa e hendenan cu ta papia e idioma stranhero ey y nan cultura.

Aki por download e foyeto di Jump y Brinca cu ta inclui mas informacion di e puntonan di salida pedagogico-didactico, familiarisacion y buki di idea di e metodo.


Come Dushi Come Bon

A consecuencia die problema mundial di obesidad y malesa, a haci necesario pa desaroya e metodo aki. E metodo aki ta pa haci e mucha: mas conciente, critico y responsabel pa loke e ta come. E ta pa crea cerca e mucha e bon custumber pa come saludabel y haci movecion.

Aki por download e foyeto di Come Dushi Come Bon cu ta inclui mas informacion di e vision, meta, tema, actividad y material di e metodo.


Enseñansa Special

Papiamento na Color

Papiamento na Color ta un metodo di idioma Papiamento, cu pa medio di tema ta duna e mucha oportunidad pa practica diferente aspecto di idioma. E grupo meta ta grupo 1 te cu 6 di Enseñansa Special.

Aki por download e foyeto di Papiamento na Color cu ta inclui mas informacion di e puntonan di salida pedagogico-didactico, structura y meta di e metodo.


Info/Contact

DEA > Curriculum Ontwikkeling – Desaroyo di Curiculo

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw